Na rasijskija placoŭki, Wildberries i OZON, ich padhaniaje Ministerstva handlu.
Stymulavać markietpłejsy, kab jany pradavali biełaruskija tavary, nieabchodnaści niama.
Pra heta žurnalistam zajaviła namieśnica načalnika ŭpraŭleńnia arhanizacyi handlu i hramadskaha charčavańnia Ministerstva antymanapolnaha rehulavańnia i handlu (MARH) Iryna Špak, pieradaje vydańnie «Biełarusy i rynak».
«Markietpłejsy sami vielmi zacikaŭleny ŭ prodažach biełaruskaj pradukcyi», — padkreśliła jana.
Pavodle jaje słoŭ, MARH u hetym płanie pravioŭ vialikuju rabotu, u tym liku i z ajčynnymi vytvorcami i pradstaŭnikami bujnych markietpłejsaŭ. Akazałasia, što časta vytvorcy sami nieachvotna iduć na markietpłejsy.
Adna z pryčyn — heta dadatkovyja pracavydatki. Patrebny i dadatkovy štat, kab rabić kartki tavaraŭ i ŭ cełym pracavać z asabistym kabinietam.
«Tamu my vytvorcaŭ našych zaraz stymulujem, kab jany vychodzili na markietpłejsy», — skazała pradstaŭnik MARH.
Špak taksama pryviała prykład supracoŭnictva z Wildberries. Nie tak daŭno MART padpisała pahadnieńnie ab supracoŭnictvie z daččynaj kampanijaj hetaha markietplejsu. Sutnaść dakumienta ŭ prasoŭvańni biełaruskich tavaraŭ na ŭnutranym i źniešnim rynkach.
Dla hetaha stvorany raździeł «Zroblena ŭ Biełarusi». Tudy traplajuć tavary, jakija vieryfikavany ŭ Biełaruskaj handlova-pramysłovaj pałacie. U sakaviku ličać, što heta dapamoža, u tym liku, prasoŭvać ekspart.
Raździeł dla biełaruskich tavaraŭ jość i na OZON. Abodva zhadanyja markietpłejsy majuć vialikija płany i na ŭnutrany rynak Biełarusi, dzie bačać patencyjał rostu. Naprykład, OZON u nieaŭdziravanaj spravazdačy za druhi kvartał adznačyŭ, što jaho abarot u Biełarusi padvoiŭsia. Kolkaść pakupnikoŭ taksama pavialičyłasia ŭ dva razy.
OZON raźvivaje ŭ našaj krainie svaju łahistyčnuju infrastrukturu z 2022 hoda. U tym liku ŭ kampanii jość fułfiłmient-centr u Minsku płoščaj 13 tysiač kvadrataŭ i sartavalny centr u Oršy — 1145 kv. m.
Wildberries raniej pačaŭ budaŭnictva bujnoha łahistyčnaha centra ŭ biełaruska-kitajskim industryjalnym parku «Vialiki kamień». Jaho płošča składzie 136 tysiač kvadrataŭ.
Ciapier čytajuć
Łukašenka: Što tvorycca ŭ krainie, u nas usie hetuju huś kruciać8
Łukašenka: Što tvorycca ŭ krainie, u nas usie hetuju huś kruciać
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2121
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna21
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha14
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5656
Kamientary
Kapusta, bulba, cukar na vahu i taki ž minimalny asartymentny list ŭ zvarotnym kirunku.