ZŠA praviaduć dvuchbakovyja pieramovy z Rasijaj i Ukrainaj, a ŭžo potym — sumiesnyja
Administracyja Donalda Trampa spačatku sustreniecca z rasijskim bokam, a paźniej praviadzie asobnuju sustreču z ukrainskim uradam.
Donald Tramp i vice-prezident Dže Dzi Vens. Fota: Evan Vucci / AP
ZŠA płanujuć spačatku pravieści dvuchbakovyja pieramovy z Rasijaj i Ukrainaj pa čarzie, a tolki potym arhanizavać sumiesnyja pieramovy. Pra heta paviedamlaje NBC News sa spasyłkaj na infarmavanyja krynicy.
Pavodle infarmacyi vydańnia, administracyja Donalda Trampa spačatku sustreniecca z rasijskim bokam, a paźniej praviadzie asobnuju sustreču z ukrainskim uradam.
Dvoje amierykanskich čynoŭnikaŭ paćvierdzili, što Kijeŭ nie atrymaŭ zaprašeńnia na sustreču ŭ Er-Ryjadzie, ale patłumačyli, što heta źviazana z farmatam pieramoŭ.
Pa vynikach hetych dvuchbakovych sustreč ZŠA, Rasieja i Ukraina źbiarucca na sumiesny raŭnd pieramoŭ dla abmierkavańnia dalejšych krokaŭ pa zakančeńni vajny.
«Usio heta śviedčyć pra toje, što my pracujem z abodvuma bakami (Rasiejaj i Ŭkrainaj) z adnolkavaj važnaściu. My chočam spynić zabojstvy i ruchacca da tryvałaha miru», — zajaviŭ adzin z amierykanskich čynoŭnikaŭ na ŭmovach ananimnaści.
Čytajcie taksama:
U Saudaŭskuju Araviju prylacieła ŭkrainskaja delehacyja
Makron zaprasiŭ jeŭrapiejskich lidaraŭ u Paryž na terminovyja pieramovy
Pradstaŭniki administracyi Trampa vypraŭlajucca ŭ Saudaŭskuju Araviju dla pieramoŭ z rasijanami