Na nastupnym tydni ŭ Saudaŭskuju Araviju prybuduć pradstaŭniki ZŠA i Rasii, kab abmierkavać budučuju sustreču Trampa i Pucina, paviedamlali raniej zachodnija ŚMI.
«Pačali pracoŭny vizit ukrainskaj uradavaj delehacyi ŭ Saudaŭskuju Araviju z sustrečy z amal sotniaj miascovych pradprymalnikaŭ. Umacavańnie našych ekanamičnych suviaziaŭ — heta ŭmacavańnie našych narodaŭ, našych rehijonaŭ i hłabalnaj biaśpieki. (…)
U nastupnyja dni buduć dziasiatki sustreč, kab padrychtavać vizit prezidenta Uładzimira Zialenskaha ŭ Saudaŭskuju Araviju. U pryvatnaści, rychtujem padpisańnie važnych ekanamičnych dahavoraŭ z krainami rehijonu»,
— napisała ŭ fejsbuku ministr finansaŭ Ukrainy Julija Śvirydzienka.
Rasija i ZŠA ŭžo paćvierdzili, što adpraŭlajuć svaje delehacyi.
Politico pisała, što daradca prezidenta ZŠA pa nacyjanalnaj biaśpiecy Majk Uołtc, dziaržsakratar Marka Rubia i śpiecpasłańnik pa Blizkim Uschodzie Styŭ Uitkaf u najbližejšyja dni adpraŭlajucca ŭ Saudaŭskuju Araviju, kab pačać mirnyja pieramovy z pradstaŭnikami Rasii.
Kamientary