Makron zaprasiŭ jeŭrapiejskich lidaraŭ u Paryž na terminovyja pieramovy
Prezident Francyi Emanuel Makron praviadzie ŭ Paryžy niefarmalny samit jeŭrapiejskich lidaraŭ, kab abmierkavać situacyju va Ukrainie i biaśpieku na kantynencie. Pra heta pišuć Reuters i Bloomberg.
Čaćviora jeŭrapiejskich dypłamataŭ raskazali Reuters, što samit, imavierna, adbudziecca 17 lutaha.
Pradstaŭnik administracyi Makrona pryznaŭ, što praciahvajucca dyskusii adnosna mahčymaj niefarmalnaj sustrečy jeŭrapiejskich lideraŭ, ale nie padavaŭ detalaŭ.
Pa słovach ludziej, aznajomlenych z płanami, na sustreču zaprošanyja kancler Hiermanii Ołaf Šolc i premjer-ministarka Italii Džordža Miełoni. Siarod zaprošanych taksama lidary Polščy, Vialikabrytanii i Danii, adznačyli surazmoŭcy Bloomberg.
Ministr zamiežnych spraŭ Polščy Radasłaŭ Sikorski paćvierdziŭ, što premjer-ministr krainy Donald Tusk voźmie ŭdzieł u sustrečy, i zaklikaŭ lidaraŭ prademanstravać siłu i adzinstva.
Pavodle infarmacyi Bloomberg, jeŭrapiejskija lidary sprabujuć pierakanać prezidenta ZŠA Donalda Trampa nie śpiašacca ź mirnymi pieramovami z Rasijaj.
Miž tym hałoŭnaja dypłamatka Jeŭrapiejskaha Sajuza Kaja Kałas płanuje asobna sabrać ministraŭ zamiežnych spraŭ błoka ŭ Miunchienie, kab padvieści vyniki padziej apošnich dzion, paviedamiŭ jaje pradstaŭnik. Jon dadaŭ, što «my znachodzimsia ŭ vyrašalnym momancie dla budučyni Ukrainy i Jeŭropy».
Raniej na Miunchienskaj kanfierencyi pa biaśpiecy śpiecpasłańnik prezidenta ZŠA pa Ukrainie Kit Kiełah zajaviŭ, što Jeŭropa nie budzie ŭdzielničać u pieramovach pa ŭrehulavańni rasijska-ŭkrainskaj vajny. Adnak paabiacaŭ, što jaje intaresy, maŭlaŭ, uličać.
«Budziem adkrytyja: kali nie Brusel, to Maskva». Zialenski ŭ Miunchienie vystupiŭ jak ideołah mocnaj abjadnanaj Jeŭropy
Śpiecpradstaŭnik Trampa Kit Kiełah nie bačyć Jeŭropy za stałom mirnych pieramoŭ
Šolc raskrytykavaŭ słovy Vensa ab jeŭrapiejskaj demakratyi
Što budzie ź Biełaruśsiu paśla razmovy Trampa i Pucina?
U Małdovie dapuścili, što Rasija ŭ vyniku pieramoŭ pa Ukrainie vyviedzie vojski z Prydniastroŭja
Premjer Ukrainy prapanavaŭ stvaryć armiju ES na bazie ukrainskich Uzbrojenych sił
Kamientary