Stan papy Franciška pahoršaŭ, u jaho dvuchbakovaja pnieŭmanija

Stan pantyfika, špitalizavanaha na minułym tydni, znoŭ pahoršyŭsia, ale jon «znachodzicca ŭ dobrym nastroi», paviedamiła pres-słužba Vatykana.

Papa rymski Francišak na Vialikdzień. Fota: AP

Na praciahu dnia papa čarhavaŭ adpačynak, malitvu i čytańnie tekstaŭ.

«Jon dziakuje za suviaź, jakuju jon adčuvaje ŭ hety momant, i z udziačnym sercam prosić praciahvać malicca za jaho», — havorycca ŭ zajavie Vatykana.

Novy dyjahnaz zapatrabavaŭ dadatkovaj miedykamientoznaj terapii, dadali ŭ pres-słužbie pantyfika. 88-hadovy Francišak zastaniecca ŭ balnicy na niavyznačany termin.

Napiaredadni ŭ Papy rymskaha dyjahnastavali polimikrobnuju infiekcyju dychalnych šlachoŭ, dla čaho spatrebiłasia źmianić płan jahonaha lačeńnia. 

U maładości pantyfiku ŭ chodzie apieracyi častkova vydalili lohkaje paśla pieraniesienaj chvaroby, z-za čaho, jak pisali ŚMI, jon bolš usprymalny da reśpiratornych infiekcyj

Kamientary da artykuła