Vatykan paviedamiŭ pra składanuju kliničnuju situacyju sa zdaroŭjem Papy Franciška
Pantyfik tydzień tamu zachvareŭ na branchit i ŭ minułuju piatnicu byŭ špitalizavany ŭ rymskuju balnicu Gemelli.
Vatykan udakładniŭ, što ŭ 88-hadovaha pantyfika polimikrobnaja infiekcyja dychalnych šlachoŭ, jakaja zapatrabavała źmieny jaho lačeńnia dla raźviazańnia «składanaj kliničnaj situacyi».
Papa Francišak zastaniecca ŭ balnicy, pakul heta budzie nieabchodna, havorycca ŭ paviedamleńni Vatykana.
Raniej Vatykan paviedamlaŭ, što «papa Francišak dobra pravioŭ noč». «Kliničnyja pakazčyki stabilnyja, pravodziacca dyjahnastyčnyja i terapieŭtyčnyja mierapryjemstvy, pradpisanyja miedpiersanałam», — havaryłasia ŭ bolš rańnim paviedamleńni Vatykana.
U maładości pantyfiku ŭ chodzie apieracyi častkova vydalili lohkaje paśla pieraniesienaj chvaroby, z-za čaho, jak pisali ŚMI, jon bolš usprymalny da reśpiratornych infiekcyj, piša Bi-bi-si.
Papu Francišku — 88 hadoŭ, pasadu kiraŭnika Ryma-katalickaha kaścioła jon zajmaje z sakavika 2013 hoda.
Ciapier čytajuć
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki9
Kamientary