Papa Francišak zaklikaŭ spynić vajnu va Ukrainie i vyzvalić zakładnikaŭ u Hazie
Papa Rymski Francišak vystupiŭ sa štohadovaj kaladnaj pramovaj z łodžyi baziliki Śviatoha Piatra ŭ Vatykanie. Zvarot pantyfika Urbi et Orbi («Horadu i śvietu») staŭ karotkim vykładańniem bied, ź jakimi sutyknuŭsia śviet sioleta.
Papa Francišak zaklikaŭ «usich ludziej usich nacyj» znajści ŭ sabie mužnaść u hety śviaty hod, kab «prymusić zamaŭčać zbrojnyja załpy i pieraadoleć roznahałośsi», jakija raździrajuć śviet, ad Śviatoj Ziamli da Ukrainy, ad Afryki da Azii.
Papa Rymski asudziŭ «vielmi ciažkuju» humanitarnuju situacyju ŭ Hazie i zapatrabavaŭ vyzvaleńnia izrailskich zakładnikaŭ, jakija pa-raniejšamu ŭtrymlivajucca na terytoryi ankłava.
«Niachaj zmoŭknuć huki zbroi na Blizkim Uschodzie. Suzirajučy viflejemskija jaśli, ja dumaju pra chryścijanskija supolnaści ŭ Paleścinie i Izraili, asabliva pra ŭlubiony narod Hazy, dzie skłałasia vielmi ciažkaja humanitarnaja situacyja, — adznačyŭ Francišak. — Chaj spynicca ahoń, chaj buduć vyzvalenyja zakładniki i akazanaja dapamoha ludziam, zmučanym hoładam i vajnoj».
Jon taksama zaklikaŭ da spynieńnia ahniu ŭ achoplenaj vajnoj Ukrainie.
Taksama Francišak źviarnuŭsia z zaklikam palehčyć dostup da humanitarnaj dapamohi ŭ paciarpiełym ad hoładu Sudanie.
U sieradu ranicaj pałomniki stali ŭ čarhu, kab prajści praź vializnyja Śviatyja dźviery la ŭvachodu ŭ bazyliku Śviatoha Piatra. U Vatykanie byli ŭzmocnienyja miery biaśpieki ŭ suviazi ź niadaŭniaj śmiarotnaj atakaj na kaladnym rynku ŭ Hiermanii, jakaja zabrała žyćci piaci čałaviek.
«Pucin śviadoma abraŭ Kalady dla napadu». Rasija naniesła čarhovy masiravany ŭdar pa enierhietycy Ukrainy
U kaladnuju ranicu Rasija atakuje Ukrainu rakietami i dronami. Abvieščana maštabnaja tryvoha
Cichanoŭskaja pavinšavała biełarusaŭ, jakija śviatkujuć Kalady 25 śniežnia
«Bajsoł» praciahvaje kaladnuju akcyju «Padorym dzieciam cud!»
Kamientary
kali ŭ 22-m ukraincy prasili jaho pryjechać, u jaho kaleni raptam zabaleli, ale na balnych kaleniach papoŭz na VII źjezdz suśvietnych i tradycyjnych relihij i ździejśniŭ śviatuju imšu ŭ Nur-Sułtanie