U Polščy mieteazond z cyharetami ź Biełarusi prabiŭ dach doma
Mieteazond, jaki zapuścili z terytoryi Biełarusi, niaŭdała pryziamliŭsia ŭ adnym z haradoŭ niepadalok ad miažy.
Fota: Pamiežnaja słužba Polščy
Mieteazond z kantrabandnymi cyharetami prabiŭ dach doma ŭ polskaj Šudziałoŭskaj hminie. Zond zapuścili z terytoryi Biełarusi, da jaho byŭ prymacavany pakiet z cyharetami ź biełaruskimi akcyzami.
Unutry pakunka znajšli paŭtary tysiačy pačak cyharet biez polskich akcyznych marak ahulnym koštam bolš za 26 tysiač złotych (6,5 tysiačy dołaraŭ), paviedamlaje polskaja pamiežnaja słužba.
Akramia taho, pamiežniki znajšli pakunki z kantrabandnymi cyharetami ŭ Kuźnickaj i Sidranskaj hminach. Jany trapili na terytoryju Polščy na pavietranych šarach.
Paśla taho, jak polskija siłaviki ŭzmacnili achovu miažy ź Biełaruśsiu, kantrabandystam davodzicca prydumlać novyja sposaby pieramiaščeńnia cyharet.
Čytajcie taksama:
U Kłajpiedzie zatrymali biełarusa z cyharetami na 2 miljony jeŭra
U Litvie zatrymali bujnuju partyju kantrabandnych biełaruskich cyharet
Na biełaruska-polskaj miažy ŭ čatyry razy mienš stali vyjaŭlać kantrabandnyja cyharety