U Polščy dla achovy miažy ź Biełaruśsiu stvaryli novuju dyviziju
Vice-premjer i ministr abarony Polščy Uładzisłaŭ Kasiniak-Kamyš paviedamiŭ, što na achovu polska-biełaruskaj miažy nakirujuć 16-ju miechanizavanuju bryhadu, farmiravańnie jakoj ciapier zaviaršajecca.
Fota: gov.pl
«Z 1 žniŭnia 16-ja dyvizija budzie adkazvać za achovu polska-biełaruskaj miažy ŭ ramkach apieracyi «Biaśpiečnaje Padlašša». Jana voźmie na siabie kiraŭnictva apieracyjaj», — skazaŭ Uładzisłaŭ Kasiniak-Kamyš padčas sustrečy z vajskoŭcami novastvoranaj bryhady.
Farmavańnie 16-j mataryzavanaj bryhady ŭ składzie 16-j miechanizavanaj dyvizii pačałosia viasnoj 2024 hoda. Za 11 miesiacaŭ na słužbu ŭ jaje šerahi pryjšli bolš za 600 vajskoŭcaŭ. Bryhada dysłakujecca ŭ Załuskach kala Nidzicy na paŭnočnym uschodzie Polščy.
Paśla poŭnaha farmiravańnia 16-ja mataryzavanaja bryhada stanie najbujniejšym vajskovym padraździaleńniem u hetym rehijonie. Jaje ŭzbrojać kalosnymi bronietransparciorami ROSOMAK, sučasnymi tankami K-2 i samachodnymi zenitnymi rakietnymi kompleksami POPRAD.
Čytajcie taksama:
Tusk paabiacaŭ uźvieści ŭmacavańni i na miažy z Ukrainaj
Polšča ŭkładzie va ŭzmacnieńnie abarony ŭschodniaj miažy 2,5 młrd dalaraŭ
Duda: My viartajem žaleznuju zasłonu na miažy ź Biełaruśsiu i Rasijaj, choča taho Zachad ci nie