Duda: My viartajem žaleznuju zasłonu na miažy ź Biełaruśsiu i Rasijaj, choča taho Zachad ci nie
Pa słovach polskaha prezidenta Andžeja Dudy, ustalavańnie abarončych umacavańniaŭ na miežach ź Biełaruśsiu i Rasijaj u ramkach prahramy «Uschodni ščyt» — heta reinkarnacyja žaleznaj zasłony, jakaja abharodzić volny śviet ad niavolnaha.
U intervju brytanskamu vydańniu The Times prezident Polščy Andžej Duda zajaviŭ, što sistema abarončych umacavańniaŭ na miežach ź Biełaruśsiu i Rasijaj u ramkach prahramy «Uschodni ščyt», jakuju płanujuć pačać budavać u bližejšyja miesiacy, jość novaj viersijaj žaleznaj zasłony, što «abaronić Polšču i volny śviet ad niezadavolenych impierskich ambicyj Rasii».
Žaleznaja zasłona — heta suśvietna viadomy termin časoŭ Chałodnaj vajny, jaki aznačaŭ palityčny i ideałahičny padzieł pamiž savieckim Uschodam i demakratyčnym Zachadam. Termin simvalizuje izalacyju i strohi kantrol, što pieraškadžali svabodnamu pieramiaščeńniu ludziej i infarmacyi pamiž dvuma błokami krain.
«Niekatoryja palityki na Zachadzie hladziać na heta z žacham. Adnaŭleńnie žaleznaj zasłony — apošniaje, što jany chočuć bačyć. Ale ja skažu tak: kali biaśpieka maich suajčyńnikaŭ moža być zabiaśpiečanaja tolki šlacham paŭtornaha ŭźniaćcia žaleznaj zasłony, to dobra, niachaj budzie žaleznaja zasłona, pakul my znachodzimsia z boku volnaha śvietu», — skazaŭ Duda vydańniu The Times.
Pry hetym Duda adznačyŭ, što jamu nie padabajucca płany polskaha premjer-ministra Donalda Tuska ŭvieści abmiežavańni na palityčnyja prytułki dla mihrantaŭ, jakija, na dumku Dudy, mohuć zakranuć palitemihrantaŭ ź Biełarusi.
«Da 1989 hoda my sami karystalisia palityčnym prytułkam u zachodniejeŭrapiejskich krainach. Tamu my nie pavinny zakryvać miežy dla ŭsich, a tolki mocna ich achoŭvać ad tych, chto jedzie ŭ Jeŭrapiejski sajuz pa mahčymaść atrymlivać hrošy prosta tak», — padkreśliŭ Duda.
Aficyjnaja meta «Uschodniaha ščyta» — abaranić Polšču ad nielehalnaj mihracyi i mahčymaha vajennaha ŭvarvańnia z boku Biełarusi i Rasii. Prahrama praduhledžvaje budaŭnictva novych umacavańniaŭ, płatoŭ, stvareńnie śpiecyjalnych lasnych nasadžeńniaŭ i źmianieńnie formy reljefu miažy Polščy ź dźviuma krainami.
Całkam skončyć budaŭnictva linii abarony płanujecca da 2028 hoda. Kaštavać prahrama budzie kala 10 młrd złotych (kala $2,6 młrd).
Cichanoŭskaja ŭ ZŠA zaklikała nie apuskać žaleznuju zasłonu ź Biełaruśsiu: «Nie zamykajcie nas u kletku z hetym źvieram»
Urad Polščy ŭchvaliŭ stratehiju supraćdziejańnia nielehalnaj mihracyi. Stali viadomyja novyja detali
U Polščy źbirajucca pastrožyć umovy vydačy karty palaka. Nadta šmat złoŭžyvańniaŭ
Ciapier čytajuć
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary
Duda aptymist ci fantazier...
U Polščy u zachada času na " paniušku" zastałoś ....kali ŭ nosie kałupacca .
Čas uzhadać 1939 Čechasłavakiju sdali paśla razdierbanili
Dapamahli madźjary sa słavakami francuzy z brytancami paśla ci Štaty z " paralizavannym" u dziejańniach Ruźvieltam ??