Premjer-ministr Polščy Donald Tusk naviedaŭ učastak miažy z Rasijaj, dzie ŭładkavali adzin ź siehmientaŭ fartyfikacyjnych umacavańniaŭ u ramkach prajekta «Uschodni ščyt». Vystupajučy tam, jon zajaviŭ, što padobnyja zbudavańni buduć uźviedzienyja na miežach nie tolki z Rasijaj i Biełaruśsiu, ale taksama i z Ukrainaj.
Pa słovach Tuska, pieršy ŭčastak sistemy ŭmacavańniaŭ užo całkam hatovy.
«Usio, što my robim tut — a my budziem rabić heta i na miažy ź Biełaruśsiu i Ukrainaj, — nakiravana na toje, kab strymlivać i adpužvać mahčymaha ahresara, tak što heta sapraŭdy inviestycyi ŭ mir. My vydatkujem na heta miljardy złotych, ale ŭžo ciapier usia Jeŭropa naziraje za hetym ź vialikim zadavalnieńniem i padtrymaje, kali spatrebicca, hetyja inviestycyi i našy dziejańni», — zajaviŭ jon na bryfinhu.
Inicyjatyva pa stvareńni ŭmacavańniaŭ na miažy z Rasijaj i Biełaruśsiu była pradstaŭlena ŭ mai. Ahulny biudžet «Uschodniaha ščyta» na pieryjad 2024-2028 hadoŭ składzie 10 miljardaŭ złotych (kala 2,5 miljarda dołaraŭ ZŠA).
1 listapada Donald Tusk aficyjna abviaściŭ pra pačatak budaŭnictva kompleksa abaronnych zbudavańniaŭ. Asnoŭnaja meta prajekta — stvareńnie maštabnaj abaronnaj infrastruktury na ŭschodnim fłanhu NATA dla suprćdziejańnia pahrozam, jakija pachodziać ad Maskvy i Minska.
Polšča ciaham najbližejšych troch dzion ustanović na miažy ź Biełaruśsiu ŭmacavańni
Duda: My viartajem žaleznuju zasłonu na miažy ź Biełaruśsiu i Rasijaj, choča taho Zachad ci nie
Polšča stvoryć minnyja pali na svajoj uschodniaj miažy
Polšča płanuje zaminiravać miažu ź Biełaruśsiu i Rasijaj
Polšča pavialičyć kantynhient na miažy da 17 tysiač sałdat
Ciapier čytajuć
Dźmitryj Łukašenka choča pastavić pad kantrol usie mabilnyja telefony11
Kamientary
Hałoŭnaja meta, adnak, jak i ŭsiaje dziarždziejnaści - piłavańnie biudžetaŭ, a dadatkovyja kajdany na pryhonnych bonusam