Z-za adklučeńnia elektraenierhii ŭ Minsku było parušana vodazabieśpiačeńnie niekalkich vulic. Heta ŭžo nie pieršy raz
5 sakavika ŭ 17:14 adbyłosia prypynieńnie pompavaha abstalavańnia vodazaboru №5 «Baraŭlany». Jak paviedamlaje pres-słužba Minharvykankama sa spasyłkaj na Minskvodakanał, heta źviazana z adklučeńniem elektraenierhii ŭ minskich kabielnych sietkach.
Fota ilustracyjnaje
U vyniku adbyłosia źnižeńnie cisku na vadapravodnaj sietcy ŭ kvartale vulic Mirašničenki — Siadych — Łahojski trakt — Hamarnika — Kalinoŭskaha — Cikockaha — Karbyšava.
Ciapier enierhazabieśpiačeńnie ŭžo padadziena, cisk u vadapravodnaj sietcy adnaŭlajecca. Apieratyŭnyja bryhady «Minskvodakanała» praciahvajuć raboty, nakiravanyja na likvidacyju mahčymych nastupstvaŭ, vyklikanych adklučeńniem.
Anałahičnaja situacyja adbyłasia ŭ kancy lutaha. Pompavaje abstalavańnie vodazaboru №5 «Baraŭlany» spyniłasia paśla avaryjnaha adklučeńnia elektraenierhii. U vyniku było parušana vodazabieśpiačeńnie ŭ kvartale tych ža samych vulic.
Čytajcie taksama:
U Minsku z-za adsutnaści napružańnia byŭ spynieny ruch niekatorych tramvajaŭ i tralejbusaŭ
Padaču vady ŭ Asipovičach paśla načnoj avaryi adnavili