Vodazabieśpiačeńnie ŭ Asipovičach adnavili, paviedamiła ŭ 14:30 miascovaja hazieta «Asipovicki kraj». Ciaham dnia budzie pravodzicca chłaravańnie i zabor prob vady dla kantrolu jakaści.
Pra avaryju na sietcy vodazabieśpiačeńnia horada Asipovičy, jakaja adbyłasia 19 lutaha kala pałovy treciaj nočy ŭ rajonie vulicy Kalinina, dom 39, paviedamiŭ staršynia Asipovickaha rajvykankama Andrej Dubinčyk u zvarocie, apublikavanym miascovaj rajonnaj hazietaj.
Łakalizacyja miesca paškodžańnia ŭskładniałasia praz pramierzłaść hruntu, rastłumačyli ŭ miascovym vodakanale. Da 9-j ranicy słužby pavinny byli padklučyć i druhi vodazabor «Paŭdniovy». U horadzie taksama arhanizavali dastaŭku vady cysternami.
Praź niekatory čas u MNS paviedamili, što na momant praviadzieńnia ramontnych rabot spyniena padača vady 16 tysiačam spažyŭcoŭ i 78 abjektam ekanomiki horada. Ciepłazabieśpiačeńnie nie parušana, arhanizavany padvoz vady, pra što ludziam paviedamili šlacham SMS-rassyłki.
U 10:30 u MNS zajavili, što miesca praryvu trubapravoda łakalizavanaje. Pačalisia ramontnyja raboty dla adnaŭleńnia vodazabieśpiačeńnia.
Usiaho horad zastavaŭsia biez vady 11 hadzin.
Siońnia nočču Asipovičy zastalisia biez vady
Paśla Minska płanujuć pieravieści na artezijanskuju vadu i inšyja harady
Łukašenka: Biełarusy nie płaciać za vadu stolki, kolki jana kaštuje
«Raniej była śmiardziučaja, roźnica kałasalnaja». Ciapier usie minčuki žyvuć z artezijanskaj vadoj — jakija ŭražańni?
Ciapier čytajuć
Adzieńnie dziaŭčyny, znojdzienaje ŭ Ślapiancy, padobnaje da vopratki Jany Kastrankovaj — dački dyrektara bujnoha ahrakompleksu2
Kamientary