Siońniašni marozny ranak u žycharoŭ doma «Taronta», raźmieščanaha ŭ žyłym kvartale «Minsk-Śviet», pačaŭsia daloka nie z pryhožaha śvitanku. Na apošnim paviersie žyłoha doma zahučała sihnalizacyja i zdaryŭsia patop, što mocna napałochała ludziej, jakija źbiralisia na pracu i ničoha nie padazravali, piša Onliner.by.
Na videa, jakija žychary doma «Taronta» dasłali Onlíner i raźmiaścili ŭ telehram-kanale «Minsk Mir. Dana Fantana», vidać, što mocny patok vady ljecca vadaspadam z adtulin u stoli. Usiaho za niekalki chvilin vada zapoŭniła miescy ahulnaha karystańnia na apošnim paviersie i praciahnuła raspaŭsiudžvacca pa nižejšych pavierchach.
Padrabiaznaści zdareńnia raskazaŭ namieśnik dyrektara pa techničnych pytańniach TAA «Chepi Płaniet» Maksim Alaksandravič Čarnyšoŭ:
— Pryčynaj zatapleńnia staŭ razryŭ šaravoha krana pa raźbie dyjamietram 32 mm. Šaravy kran — heta zapornaja armatura, jakaja ŭstaloŭvajecca dla pierakryćcia stajakoŭ. I voś jaho razarvała pa raźbie. Ciapier kamisijna pravodzim abśledavańnie, afarmlajem akt ab źniaćci hetaha šaravoha krana dla dalejšaj ekśpiertyzy. Heta zdaryłasia albo pa vinie pastaŭščyka, albo z-za pamyłki pry mantažy. Adnaŭlać škodu budziem za košt vinavataha boku.
Zatoplena liftavaje abstalavańnie i miescy ahulnaha karystańnia. Ciapier idzie adnaŭleńnie vodazabieśpiačeńnia i ŭborka vady.
Ciapier čytajuć
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT8
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1616
Kamientary