Zialenski zajaviŭ, što Ukraina atrymała novuju partyju źniščalnikaŭ F-16
Pavietranyja siły Uzbrojenych Sił Ukrainy atrymali dadatkovuju partyju źniščalnikaŭ F-16, paviedamiŭ prezident Uładzimir Zialenski, piša «Jeŭrapiejskaja praŭda».
Zialenski nie paviedamiŭ kolkaści źniščalnikaŭ, jakija atrymała Ukraina, adnak adznačyŭ, što heta dobraja navina.
«Dadatkovyja F-16 prylacieli va Ukrainu. Rasijanie chłusiać, što jany niešta tam źbili, ničoha jany nie źbili. A dobraja navina — niekalki samalotaŭ F-16 prylacieli va Ukrainu», — skazaŭ ukrainski prezident.
Raniej ukrainski Centr supraćdziejańnia dezinfarmacyi paviedamiŭ, što infarmacyja ab źbićci samalota F-16 nad Sumskaj vobłaściu nie adpaviadaje rečaisnaści — hety fejk raspaŭsiudžvali rasijskija kanały.
Utvoranaja ŭ 2023 hodzie kaalicyja na čale z ZŠA, Danijaj i Niderłandami ŭ minułym hodzie pačała pieradavać Ukrainie źniščalniki F-16.
Pieršyja niderłandskija źniščalniki Ukraina atrymała jašče ŭ kastryčniku 2024 hoda, a pra druhuju partyju stała viadoma ŭ pačatku lutaha 2025 hoda.
Kamientary