U niejrasietku GPT dadali vizualny hienieratar. Pahladzicie, što jon moža

Paśla abnaŭleńnia čat-bota karystalniki zavalili sacsietki histaryčnymi fota i miemami, stylizavanymi pad tvory Chajaa Mijadzaki. Ale heta daloka nie ŭsio, što ŭmieje niejrasietka. Pravieryli heta na biełaruskaj tematycy. 

Alaksandr Łukašenka sa svaim znakamitym čajem, stylizavany pad mapieta. Ilustracyja zhienieravanaja GPT-4o

Abnaŭleńnie madeli GPT-4o ad OpenAI dazvoliła karystalnikam ChatGPT stvarać vysakajakasnyja vyjavy niepasredna ŭ čacie. Pakul funkcyja dastupnaja tolki pa płatnaj padpiscy, ale chutka zapracuje dla ŭsich biaspłatna. Zhienieravanyja vyjavy majuć C2PA-mietadanyja dla paćviardžeńnia pachodžańnia. Taksama GPT-4o ciapier lepš pracuje z tekstami na vyjavach, moža redahavać fota, kolery, praporcyi i fon, stvarać teksty biez pamyłak. 

Tvitar nie treba dvojčy zaprašać — karystalniki sacsietki pačali masava hienieravać u ChatGPT pieramaloŭki svaich ulubionych filmaŭ, miemaŭ i navat histaryčnych fota ŭ dušeŭnaj stylistycy studyi Ghibli, zasnavanaj znakamitym japonskim režysioram-animataram Chajaa Mijadzaki. Časam hetaja lampavaja stylistyka stvaraje dysanans z trahičnymi padziejami na pieramalavanych zdymkach. Pracuje taksama ŭ inšy bok — na asnovie multfilmaŭ Mijadzaki stvarajuć hipierrealistyčnyja vyjavy, jak z halivudskich filmaŭ.

Scena ź filma pra Hary Potera, pieramalavanaja ŭ stylistycy studyi Ghibli. Ilustracyja zhienieravanaja GPT-4o

Scena ź filma «Kryminalnaje čytvo», pieramalavanaja ŭ stylistycy studyi Ghibli. Ilustracyja zhienieravanaja GPT-4o

Scena z «Zornych vojnaŭ», pieramalavanaja ŭ stylistycy studyi Ghibli. Ilustracyja zhienieravanaja GPT-4o

Scena ź filma «Tvar sa šnaram», pieramalavanaja ŭ stylistycy studyi Ghibli. Ilustracyja zhienieravanaja GPT-4o

Scena z apošniaj sieryi druhoha siezona sieryjała «Raździaleńnie», pieramalavanaja ŭ stylistycy studyi Ghibli. Ilustracyja zhienieravanaja GPT-4o

Scena z multfilma «Źniesienyja pryvidami» studyi Ghibli, pieramalavanaja ŭ hipierrealistyčnym styli. Ilustracyja zhienieravanaja GPT-4o

Scena z multfilma «Pryncesa Mananokie» studyi Ghibli, pieramalavanaja ŭ hipierrealistyčnym styli. Ilustracyja zhienieravanaja GPT-4o

Scena ź mini-šou «Krutoje pikie», pieramalavanaja ŭ stylistycy studyi Ghibli. Ilustracyja zhienieravanaja GPT-4o

Miem, pieramalavany ŭ stylistycy studyi Ghibli. Ilustracyja zhienieravanaja GPT-4o

Miem, pieramalavany ŭ stylistycy studyi Ghibli. Ilustracyja zhienieravanaja GPT-4o

Miem, pieramalavany ŭ stylistycy studyi Ghibli. Ilustracyja zhienieravanaja GPT-4o

Miem pra teoryi zmoŭ, pieramalavany ŭ stylistycy studyi Ghibli. Ilustracyja zhienieravanaja GPT-4o

Karykatura na Džej Dzi Vensa, jakaja źjaviłasia paśla jaho vypadaŭ suprać Zialenskaha ŭ avalnym kabiniecie, pieramalavanaja ŭ stylistycy studyi Ghibli. Ilustracyja zhienieravanaja GPT-4o

Fotazdymak, na jakim Iłan Mask skača na scenie mitynha ŭ padtrymku Donalda Trampa, pieramalavany ŭ stylistycy studyi Ghibli. Ilustracyja zhienieravanaja GPT-4o

Sutyknieńnie samalota ź viežami-bliźniatami ŭ Ńju-Jorku, pieramalavanaje ŭ stylistycy studyi Ghibli. Ilustracyja zhienieravanaja GPT-4o

Padabrać stylistyku, u jakoj budzie pieramalavanaje fota ci inšaja vyjava, možna amal lubuju, asabliva dobra heta pracuje ź viadomymi filmami i źjavami pop-kultury. Uvieś śpiektr mahčymaściaŭ bačny na šmatlikich pieramaloŭkach fotazdymka, zroblenaha ŭ Avalnym kabiniecie padčas niadaŭniaha vizitu Zialenskaha ŭ Vašynhton. 

Scena ŭ Avalnym kabiniecie, pieramalavanaja ŭ stylistycy «Saus-Parku». Ilustracyja zhienieravanaja GPT-4o

Scena ŭ Avalnym kabiniecie, pieramalavanaja ŭ stylistycy LEGO. Ilustracyja zhienieravanaja GPT-4o

Scena ŭ Avalnym kabiniecie, pieramalavanaja ŭ stylistycy «Hubki Boba». Ilustracyja zhienieravanaja GPT-4o

Scena ŭ Avalnym kabiniecie, pieramalavanaja ŭ stylistycy «Ryki i Morci». Ilustracyja zhienieravanaja GPT-4o

Scena ŭ Avalnym kabiniecie, pieramalavanaja ŭ stylistycy «Flinstoŭnaŭ». Ilustracyja zhienieravanaja GPT-4o

Scena ŭ Avalnym kabiniecie, pieramalavanaja ŭ płastylinavaj stylistycy. Ilustracyja zhienieravanaja GPT-4o

«Naša Niva» taksama nie zastałasia ŭ baku ad trenda i prateściravała navinku na viadomych biełaruskich piersanažach. GPT-4o zdolny pieratvaryć amal luby zdymak z Alaksandram Łukašenkam i čynoŭnikami ŭ jakasnuju karykaturu. 

Natalla Kačanava ŭ vyhladzie mapieta (biez retušy). Ilustracyja zhienieravanaja GPT-4o

Łukašenka «pieratrachvaje» čynoŭnikaŭ u stylistycy mulcika «Uolis i Hromit». Ilustracyja zhienieravanaja GPT-4o

Tarakanišča ŭ stylistycy komiksaŭ vystupaje pierad svaimi prychilnikami na płoščy Niezaležnaści. Ilustracyja zhienieravanaja GPT-4o

Ryhor Azaronak, kali b nie zakinuŭ macoŭniu. Fota pieramalavana ŭ stylistycy mastaka Tom of Finland. Ilustracyja zhienieravanaja GPT-4o

Zianon Paźniak u stylistycy multfilma «Lehienda ab vaŭkach». Ilustracyja zhienieravanaja GPT-4o

Vieranika Capkała, Śviatłana Cichanoŭskaja i Maryja Kaleśnikava ŭ stylistycy komiksaŭ pra supierhierojaŭ. Ilustracyja zhienieravanaja GPT-4o

«Ekanomika z Čałym» ciapier vychodzić na ŭsioj prastory Impieryuma. Ilustracyja zhienieravanaja GPT-4o

Kastuś Kalinoŭski ŭ stylistycy studyi Ghibli. Ilustracyja zhienieravanaja GPT-4o

Hienierał-hubiernatar Michaił «Piepa» Muraŭjoŭ. Ilustracyja zhienieravanaja GPT-4o

Hierb «Pahonia» ŭ stylistycy studyi Ghibli. Ilustracyja zhienieravanaja GPT-4o

Žančyna ŭ čyrvonym kandzibobiery, pieramalavanaja ŭ stylistycy studyi Ghibli. Ilustracyja zhienieravanaja GPT-4o

GPT-4o moža, jak užo kazałasia, pracavać i ŭ inšy bok, stvarajučy realistyčnyja vyjavy vydumanych piersanažaŭ, abo histaryčnych piersanažaŭ, pra jakich my viedajem tolki pa hraviurach i knižnych ilustracyjach. Heta daje šyrokija mahčymaści dla stvaralnikaŭ vizualnaha i adukacyjnaha kantentu, jakija časta sutykajucca z abmiežavanaściu vizualnych krynic. 

Paca-Vaca ŭ hipierrealistyčnym vyhladzie. Ilustracyja zhienieravanaja GPT-4o

Uha i Loka ŭ hipierrealistyčnym vyhladzie. Ilustracyja zhienieravanaja GPT-4o

Partret kryvičanki, zhienieravany na asnovie hipsavaj rekanstrukcyi. Ilustracyja zhienieravanaja GPT-4o

Usiasłaŭ Čaradziej na kani, zhienieravany na asnovie pomnika ŭ Połacku. Ilustracyja zhienieravanaja GPT-4o

Usiasłaŭ Čaradziej, zhienieravany na asnovie ilustracyi Varecaŭ. Ilustracyja zhienieravanaja GPT-4o

Jefrasińnia Połackaja, zhienieravanaja na asnovie ilustracyi Varecaŭ. Kryžoŭ niejrasietka nie paškadavała. Ilustracyja zhienieravanaja GPT-4o

Vitaŭt Vialiki, zhienieravany na asnovie partreta z klaštara aŭhuścinaŭ u Bieraści. Ilustracyja zhienieravanaja GPT-4o

Mikoła Husoŭski pieradaje svaju «Pieśniu pra zubra» karalevie Bonie Sforca. Vyjava zhienieravana na asnovie ilustracyi Varecaŭ u stylistycy Karavadža. Ilustracyja zhienieravanaja GPT-4o

Kazimir Siemianovič i jaho «Vialikaje mastactva artyleryi». Vyjava zhienieravana na asnovie ilustracyi Varecaŭ u stylistycy baroka. Ilustracyja zhienieravanaja GPT-4o

Jeva z karciny Chaima Sucina. Ilustracyja zhienieravanaja GPT-4o

Viadoma, pry karystańni navat samaj daskanałaj niejrasietkaj nie abychodzicca i bieź dzivactvaŭ dy kapryzaŭ. Naprykład, GPT-4o u apošni momant sapsavała pałovaj nieviadomaha mužčyny hienieracyju hipierrealistyčnaj vyjavy Francyska Skaryny. Ale ciapier tvaryć moža kožny, a značyć, idealnaje «ažyŭleńnie» pieršadrukara dakładna źjavicca na prastorach internetu — dziejničajcie!

Hipierrealistyčnaja vyjava Francyska Skaryny z «baham» u nižnim pravym vuhłu. Ilustracyja zhienieravanaja GPT-4o

Kamientary da artykuła