«Kultura i mastactva» praviała na piensiju hałoŭnuju redaktarku. Ni słova pa-biełarusku
Cyrymonija provadaŭ pakazała stupień maralnaj i prafiesijnaj dehradacyi dziaržaŭnych ŚMI.
Ludmiła Krušynskaja z 1995 pa 2012 hod była hałoŭnaj redaktarkaj haziety «Kultura», a paśla — dyrektarkaj redakcyjna-vydavieckaj ustanovy. Mienavita pry joj u 2002 hodzie adbyłosia abjadnańnie haziety «Kultura» i časopisa «Mastactva» ŭ adnu ŭstanovu.
Apošnija hady jana zajmała pasadu pamočnicy dyrektarki. Jana łaŭreatka premii «Za duchoŭnaje adradžeńnie» i maje zvańnie «zasłužanaja žurnalistka».
Dniami Krušynskaja, jakaja 53 hady addała śfiery ŚMI, pajšła na adpačynak. Na ŭračystaści z hetaj nahody hučała šmat pryjemnych słoŭ. Dyrektarka ŭstanovy Natalla Kuźniacova nazvała Krušynskuju «adkaznym i vielmi zasłužanym rabotnikam», jaki «stajaŭ la vytokaŭ» i «padaryŭ siabie» redakcyjna-vydavieckaj ustanovie «Kultura i mastactva».
Načalnica adździeła mižnarodnaha supracoŭnictva i ŭzajemadziejańnia ź ŚMI Ministerstva kultury Viktoryja Ratabylskaja ŭručyła Krušynskaj hanarovuju hramatu ministerstva, a namieśnik dyrektara ŭstanovy Vasil Śvistunoŭ pieradaŭ hanarovuju hramatu ad Biełaruskaha sajuza žurnalistaŭ.
«Za aktyŭny ŭdzieł u realizacyi dziaržaŭnaj infarmacyjnaj palityki» vieteran žurnalistyki atrymała hanarovuju hramatu ad Ministerstva infarmacyi.
Zaŭvažym, što tekst hramat byŭ vykanany na biełaruskaj movie, a voś usie da adnaho vystupy va ŭstanovie, jakaja vypuskaje vydańni pa-biełarusku, hučali na ruskaj movie.
Sama Krušynskaja taksama vystupiła na ruskaj movie i zaklikała svaich užo byłych kaleh «imknucca brać vyšyni» i «dapamahać kiraŭnictvu», a taksama jeździć u kamandziroŭki, a «nie spać na svaich miescach».
Kiraŭnictva dziaržaŭnych ŚMI pryznačajecca pa pryncypie łajalnaści kirujučaj asobie, prafiesijnyja jakaści pry hetym časta niavažnyja.
Dachodzić da taho, što ŭ biełaruskamoŭnyja vydańni hałoŭnymi redaktarami pryznačajuć ludziej, jakija i nie ŭmiejuć svabodna havaryć pa-biełarusku, i nie imknucca da hetaha. Što i zaśviedčyła cyrymonija provadaŭ na piensiju Ludmiły Krušynskaj.
«Aznačeńnie Biełarusi jak vypalenaj ziamli mnie nie padabajecca». Manałoh biełarusa, jaki niadaŭna vyjechaŭ z krainy
Dziaržaŭnaja biełaruskamoŭnaja hazieta «Kultura» pačała dublavać naviny ŭ telehramie pa-rusku
Novy ministr kultury rasparadziŭsia zdymać filmy pra vajnu i sialan. I paabiacaŭ praryŭnaje kino
U Nacyjanalnym mastackim muziei vystavili pracy Z-mastakoŭ, prykryŭšysia temaj «Vialikaj Ajčynnaj vajny»
Biełarus žyvie ŭ domie, jaki pabudavaŭ z sałomy, piasku i hliny. Pry hetym jon — adziny žychar vioski. Jak adčuvańni?7
Kamientary
Užo nie tolki łukašenkaŭcy, ale taksama častka "apazicyi", jakaja ŭźnikła ŭ 2020 hodzie. Niekatoryja navat uvohule nie viedajuć biełaruskaj movy, a źjaŭlajucca členami KR naprykład. Pra mnohich błohieraŭ nie kažučy.