U Kramli sumniajucca, što Tramp tak užo mocna złujecca na Pucina
Pres-sakratar prezidenta Rasii Dźmitryj Piaskoŭ na bryfinhu 31 sakavika vykazaŭ sumnieŭ, što prezident ZŠA Donald Tramp, havoračy pra zajavy Pucina, u pryvatnaści pra jaho zakliki ŭvieści va Ukrainie źniešniaje kiravańnie pad ehidaj AAN, sapraŭdy skazaŭ, što jon vielmi złujecca na rasijskaha prezidenta.
Dźmitryj Piaskoŭ z Uładzimiram Pucinym. Fota: Sputnik, Kremlin Pool Photo via AP
«Častka zhadanych vami vykazvańniaŭ była dadziena ŭ pierakazie. Heta nie byli cytaty ŭ dvukośsi», — cytuje Piaskova «Interfaks».
Tym nie mienš, Donald Tramp u telefonnym intervju telekanału NBC sapraŭdy skazaŭ very angry («vielmi zły») i pissed off («razzłavany»), kažučy pra svaje adčuvańni ŭ dačynieńni da zajaŭ Pucina. U materyjale telekanała hetyja vyrazy dadzieny ŭ dvukośsi.
Piaskoŭ dadaŭ, što praca z amierykanskim bokam z nahody Ukrainy viadziecca, ale biez kankretnych vynikaŭ.
«My pracujem nad realizacyjaj niekatorych idej, źviazanych z ukrainskim urehulavańniem. Praca viadziecca, pakul niejkaj kankretyki, pra jakuju my pavinny byli b vam paviedamić, niama. Heta praces, raściahnuty ŭ časie», — zajaviŭ Piaskoŭ.
Čytajcie taksama:
Tramp zajaviŭ, što jon «vielmi raźjušany» pavodzinami Pucina
Mnohija robiać toje, što i Tramp. Tolki cichieńka i biez ekstravahancyi
Vens prapanavaŭ Trampu zvolnić Uołca za skandał z Signal, ale toj pakinuŭ jaho z pryncypu
Pakul Vens psuje adnosiny ŭ Danijaj, Tramp naładžvaje ź Finlandyjaj