Vens prapanavaŭ Trampu zvolnić Uołca za skandał z Signal, ale toj pakinuŭ jaho z pryncypu
Niekalki čałaviek z atačeńnia prezidenta ZŠA Donalda Trampa prapanavali jamu zvolnić svajho daradcu pa nacbiaśpiecy Majka Uołca z-za skandału adnosna pierapiski ŭ miesiendžary Signal, paviedamlaje vydańnie Politico. Ale jon nie pahadziŭsia, kab nie davać padstaŭ dla radaści apanientam.
Pa słovach surazmoŭcaŭ vydańnia, 25 sakavika vice-prezident ZŠA Džej Dzi Vens, kiraŭnik aparata Biełaha doma Śjuzen Uajłz i vysokapastaŭleny čynoŭnik pa kadrach Sierchia Hor prapanavali Trampu razhledzieć mahčymaść zvalnieńnia Majka Uołca.
Krynicy paviedamili, što Tramp nibyta pahadziŭsia z tym, što Uołc dapuściŭ pamyłku, ale ŭrešcie vyrašyŭ jaho nie zvalniać pa adnoj pryčynie — kab nie dać «libieralnym ŚMI» i demakratam padstavy zajaŭlać pra svaju racyju.
Politico piša, što paśla taho, što zdaryłasia, vysokapastaŭlenych čynoŭnikaŭ aburyła toje, što Uołc admoviŭsia ŭziać na siabie adkaznaść. Ale bolš za ŭsio ŭ Biełym domie byli rasčaravanyja tym, što jon sam nie prapanavaŭ Trampu svaju adstaŭku.
Niahledziačy na skandalnuju situacyju, Uołc usio jašče zajmaje svaju pasadu, ale heta nie značyć, što jon u biaśpiecy. Pa słovach dvuch čałaviek, niekatoryja pradstaŭniki administracyi Trampa prosta čakajuć adpaviednaha momantu, kab pazbavicca ad jaho i tym samym raźviazać situacyju.
«Jany pakul što buduć jaho padtrymlivać, ale praź niekalki tydniaŭ jaho nie stanie», — sprahnazavała adna z krynic.
Nahadajem, što 24 sakavika hałoŭny redaktar Atlantic Džefry Hołdbierh raskazaŭ, što jaho vypadkova dadali ŭ zakryty čat vysokapastaŭlenych pradstaŭnikoŭ administracyi ZŠA, u jakim abmiarkoŭvalisia detali apieracyi suprać chusitaŭ u Jemienie, raspačataj 15 sakavika.
U hrupavym čacie, pa słovach Hołdbierha, byli ludzi ź imionami Pit Chehsiet (ministr abarony ZŠA), Marka Rubia (dziaržsakratar), Džej Dy Vens (vice-prezident) i inšyja, a dadaŭ jaho čałaviek pa imieni Majk Uołc (tak zavuć daradcu prezidenta ZŠA pa nacbiaśpiecy).
U Biełym domie paźniej paćvierdzili sapraŭdnaść pierapiski ŭ čacie, ale zajavili, što situacyja z uklučeńniem u hrupu starońniaha čałavieka nie stvaryła pahrozu nacyjanalnaj biaśpiecy.
U toj ža čas ekśpierty i apanienty administracyi Trampa ličać toje, što adbyłosia aburalnym parušeńniem praviłaŭ biaśpieki i patencyjnym parušeńniem zakona ab špijanažy.
«Jany sami paklikali mianie ŭ hety čat, a ciapier nazyvajuć miarzotnikam». Hałoŭred Atlantic raskazaŭ, čamu apublikavaŭ pierapisku amierykanskich siłavikoŭ u Signal
Na abvinavačańni ŭ chłuśni Atlantic apublikavaŭ novyja skrynšoty z uradavaha čata ŭ Signal. Tramp adkazaŭ novymi abrazami ŭ adras hałoŭnaha redaktara
«Jon dobry čałaviek». Tramp nie staŭ zvalniać svajho daradcu paśla ŭciečki infarmacyi ŭ čat Signal
Ministr abarony ZŠA admaŭlaje ŭciečku vajennych płanaŭ praz čat u Signal. A Kanhres patrabuje rasśledavańnia
Daradca Trampa pa nacbiaśpiecy vypadkova dadaŭ žurnalista ŭ sakretny čat u Signal. Raskrytyja miechanizmy pryniaćcia rašeńniaŭ
Ciapier čytajuć
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza12
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary