Znajšli cieła čaćviortaha amierykanskaha vajskoŭca, jaki zahinuŭ u Litvie
Pra toje, što cieła čaćviortaha zahinułaha amierykanskaha vajskoŭca na palihonie ŭ Padbrodździ kala miažy Litvy ź Biełaruśsiu taksama znojdziena, paviedamiła kamandavańnie armijaj ZŠA ŭ Jeŭropie i Afrycy.
Padčas pošukavaj apieracyi. Fota: Armija Litvy
«Ź ciažkim sercam paviedamlajem, što čaćviorty sałdat armii ZŠA, jaki źnik bieź viestak z 25 sakavika, byŭ znojdzieny miortvym», — paviedamili ŭ amierykanskaj armii.
Husieničnaja vyratavalnaja mašyna M88 Hercules z čatyrma amierykanskimi vajskoŭcami źnikła padčas vučeńniaŭ na palihonie ŭ Padbrodździ kala miažy ź Biełaruśsiu 25 sakavika. Praź dzień techniku znajšli na hłybini kala piaci mietraŭ u zabałočanaj miascovaści.
Ranicaj 31 sakavika patanułuju ŭ bałocie amierykanskuju broniemašynu vyciahnuli, prakuratura pačała dasudovaje rasśledavańnie pa fakcie hibieli vajskoŭcaŭ, jakija znachodzilisia ŭ joj. Ale śpiarša znojdzienych vajskoŭcaŭ było tolki troje, a čaćviorty pa-raniejšamu ličyŭsia źnikłym bieź viestak. Ciapier znajšli i jaho.
Čytajcie taksama:
Amierykaniec, zatrymany na čyhuncy pad Maładziečnam, nijak nie źviazany z katastrofaj na palihonie
Chto toj čaćviorty vajskoviec ZŠA, jakoha dahetul šukajuć?
Pošuk amierykanskaha sałdata ŭ Litvie išoŭ usiu noč
Tramp prakamientavaŭ trahiedyju z amierykanskimi vajskoŭcami na palihonie ŭ Litvie