Amierykaniec, zatrymany na čyhuncy pad Maładziečnam, nijak nie źviazany z katastrofaj na palihonie
Słužba achovy dziaržaŭnaj miažy Litvy abvierhła infarmacyju, što hramadzianin ZŠA, jaki byŭ złoŭleny ŭ Maładziečnie ŭ hruzavym vahonie, što pryjechaŭ ź Litvy, moža być źviazany z trahiedyjaj u Padbrodździ.
«Słužba achovy dziaržaŭnaj miažy udakładniła fakty, jakija mohuć być niejak źviazanyja ź infarmacyjaj biełaruskaha boku. Adrazu ž adznačajecca, što tut niama ničoha ahulnaha z padziejami na palihonie ŭ Padbrodździ. U Litvie niekalki tydniaŭ hramadzianin ZŠA znachodziŭsia zakonna. Pamiežniki 26 sakavika razmaŭlali ź im na miažy z Rasiejaj, na vakzale ŭ Kibartaj, a 27 i 30 sakavika na miažy ź Biełaruśsiu, kala vakzała ŭ Kianie», — piša Delfi.lt.
Učora Pamiežny kamitet Biełarusi paviedamiŭ, što ŭ pustym hruzavym vahonie znajšli 27-hadovaha amierykanca, jaki nielehalna trapiŭ u Biełaruś ź Litvy.
Na palihonie ŭ Padbrodździ padčas vučeńniaŭ 25 sakavika zatanuła mašyna z čatyrma amierykanskimi vajskoŭcami. Učora było ŭstanoŭlena, što troje vajskoŭcaŭ zahinuli, a čaćvierty nie znojdzieny.
-
«Treba być aktyvistam, kab da ciabie pryjšli». Čamu biełarusy viartajucca z emihracyi
-
«Baču, jak jaho heta łamaje». Biełaruska raskazała historyju brata, jaki trapiŭ u čornyja śpisy i nie moža ŭładkavacca na pracu
-
Ci pahražaje ŭzłom akaŭnta Mielnikavaj tym, chto hałasavaŭ na vybarach u Kaardynacyjnuju radu? Adkazvaje Libier
Kamientary