Heta šmatdzietny baćka Troj Kolinz, jamu 28 hadoŭ.
Husieničnaja vyratavalnaja mašyna M88 Hercules z čatyrma amierykanskimi vajskoŭcami źnikła padčas vučeńniaŭ na palihonie ŭ Padbrodździ kala miažy ź Biełaruśsiu 25 sakavika. Praź dzień techniku znajšli na hłybini kala piaci mietraŭ u zabałočanaj miascovaści. Paśla taho, jak ranicaj 31 sakavika patanułuju ŭ bałocie na palihonie ŭ Padbrodździ amierykanskuju broniemašynu vyciahnuli, armija ZŠA aficyjna paćvierdziła śmierć traich vajskoŭcaŭ, jašče adzin vajskoviec zastajecca źnikłym bieź viestak.
Abapirajučysia na dopisy svajakoŭ u sacyjalnych sietkach, «Našaj Nivie» ŭdałosia paćvierdzić hibiel Edvina Franka (Edvin Franco), Chase Dueńjesa (Jose Duenez Jr.) i Dante Hoha Tajtana (Dante Gogo Taitano).
Čaćviortym členam ekipaža vyratavalnaj mašyny, jakaja zatanuła ŭ bałocie, byŭ Troj Knatsan-Kolinz (Troy Knutson-Collins), jaki žyŭ u 50-tysiačnym horadzie Batł-Kryk u štacie Mičyhan. Troj u šlubie z Ejrel, ź jakoj maje dvaich małych dziaciej, chłopčyka i dziaŭčynku.
Miarkujučy pa adkrytych zborach na dapamohu siamji Troja, u jaho taksama zastalisia try dački ad pieršaha šlubu z Channaj Mary. Starejšaj dačce 9 hadoŭ, a małodšaj 3 hady.
Dniom 31 sakavika byłaja žonka Channa apublikavała ŭ fejsbuku dopis, u jakim paviedamiła, što ŭ Litvie znojdzienyja i apaznanyja troje zahinułych sałdat, ale siarod ich niama Troja — jon dahetul ličycca źnikłym bieź viestak.
Niezvyčajnym supadzieńniem u hetaj situacyi vyhladaje zatrymańnie ŭ Maładziečnie 27-hadovaha amierykanca, jaki nielehalna trapiŭ u Biełaruś ź Litvy ŭ tavarnym ciahniku.
Pavodle adkrytych źviestak, Troj Kolinz naradziŭsia ŭ kastryčniku 1996 hoda, na siońnia jamu 28 hadoŭ. Uzrost vielmi blizki da ŭzrostu amierykanca, zatrymanaha ŭ Biełarusi, ale supadzieńnie nie dakładnaje.
«Naša Niva» — bastyjon biełaruščyny
PADTRYMAĆLitoŭski hienierał raskazaŭ, što mahło zdarycca z čaćviortym amierykanskim vajskoŭcam, jakoha šukajuć
Paćvierdziłasia hibiel na palihonie ŭ Padbrodździ tolki troch amierykanskich vajskoŭcaŭ. Adzin źnik bieź viestak
Pałkoŭnik armii ZŠA pra pošuk źnikłych vajskoŭcaŭ u Padbrodździ: Za 24 hady słužby ja nie bačyŭ ničoha padobnaha
Ciapier čytajuć
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava3
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć3737
Kamientary