Aŭstryja zakryvaje miežy ź Vienhryjaj i Słavakijaj
Z zaŭtrašniaha dnia Aŭstryja zakryvaje 24 punkty propusku na miažy ź Vienhryjaj i Słavakijaj, piša Bild. Pryčyna hetamu — uspyška ŭ krainach-susiedziach jaščuru — vostraha virusnaha zachvorvańnia, na jakoje chvarejuć parnakapytnyja žyvioły.
Ciapier chvaroba raspaŭsiudžvajecca ŭsiaho za niekalki kiłamietraŭ ad aŭstryjskaj miažy. U Vienhryi i Słavakii ŭžo źniščajucca tysiačy žyvioł, a Aŭstryja taksama ŭvodzić zabaronu na ŭvoz žyvioł i praduktaŭ žyviolnaha pachodžańnia, uklučajučy bujnuju rahatuju žyviołu, śviniej, śviežaje miasa, syroje małako i dzičynu.
Hetyja miery biaśpieki praciahnucca papiarednie da 20 maja.
Jaščur ličycca nadzvyčaj zaraznym i bje pa ŭsich parnakapytnych, uklučajučy bujnuju rahatuju žyviołu, śviniej, koz i aviečak. Taksama mohuć być infikavanyja dzikija žyvioły, takija jak aleni.
Uspyška zachvorvańnia vyklikaje niebiaśpieku dla sielskaj haspadarki.
Čytajcie taksama:
U Hrodnie patłumačyli, čamu lisy stali čaściej zachodzić u horad. Ci šmat siarod ich šalonych?
Masavaja hibiel žyvioły ŭ Mahiloŭskaj vobłaści. Prakuratura zaviała dziasiatki kryminalnych spraŭ