Masavaja hibiel žyvioły ŭ Mahiloŭskaj vobłaści. Prakuratura zaviała dziasiatki kryminalnych spraŭ
Za hod padziež pahałoŭja bujnoj rahataj žyvioły ŭ asobnych rajonach vyras bolš čym na 40%.
Dziakujučy pradstaŭleńniu prakuratury Mahiloŭskaj vobłaści na adras Ministerstva sielskaj haspadarki Biełarusi, kopijaj jakoha arhanizacyja «Biełpoł» padzialiłasia z «Našaj Nivaj», stała viadoma pra maštaby hibieli bujnoj rahataj žyvioły ŭ Mahiloŭskaj vobłaści. U studzieni 2024 hoda pa hetym fakcie zaviali kryminalnuju spravu.
Jak paviedamlaje prakuratura, u pracesie rasśledavańnia spravy orhanami prakuratury sumiesna sa śledčymi było praviedziena 572 ahlady žyviołahadoŭčych kompleksaŭ. Va ŭsich 137 sielhasarhanizacyjach rehijona vyjaŭleny hrubyja parušeńni technałahičnych rehłamientaŭ i vieterynarnych norm.
Adnoj z pryčyn hibieli žyvioły nazyvajecca niezabiaśpiečanaść pahałoŭja karmami. Haspadarki vobłaści sistematyčna nie vykonvajuć zadańni pa narychtoŭcy karmoŭ z traŭ. Adnak i narychtavanaje nie mohuć zachavać.
Tak, prakuror Słaŭharadskaha rajona ŭ krasaviku 2024 hoda znajšoŭ 92 rułony sienažu ŭ polietylenavaj ploncy, jakija zastalisia lažać na zaliŭnych łuhach i zhnili.
U AAT «Batajeva» Chocimskaha rajona 800 ton narychtavanaha kormu pryjšli ŭ nieprydatnaść praz razhiermietyzacyi schovišča. Suprać vinavataha dyrektara zaviali kryminalnuju spravu.
Na situacyju drenna ŭpłyvaje i deficyt kadraŭ. Tak, u Čavuskim rajonie z 28 nieabchodnych vieterynaraŭ pracuje ŭsiaho 4! U niekatorych haspadarkach vieterynarnych daktaroŭ niama bolš za 5 hadoŭ. U vyniku hałoŭnyja vieterynary rajonaŭ vymušany sami lačyć žyviołu zamiest vykanańnia nahladnych funkcyj.
Vypuskniki VNU nie zatrymlivajucca: tolki 51,4% maładych śpiecyjalistaŭ z vyšejšaj adukacyjaj i 32% vypusknikoŭ ź siaredniaj śpiecyjalnaj zastajucca pracavać paśla abaviazkovaj adpracoŭki.
Akramia hetaha, moładź nie imkniecca zaklučać damovy ab metavaj padrychtoŭcy. U 2023 hodzie zamiest zapłanavanych 259 takich damovaŭ na navučańnie ŭ VNU było zaklučana tolki 116.
Prakuratura taksama vyjaviła fakty hibieli žyvioły praź biezadkaznaść. Tak, praz chałatnaść dyrektara i hałoŭnaha vieterynara AAT «Žornaŭka AHRA» Asipovickaha rajona zahinuła 158 hałoŭ žyvioły. Škoda skłała bolš za tysiaču bazavych vieličyń. Suprać vinavatych zaviali kryminalnuju spravu.
Rasśledavańnie kryminalnaj spravy pakazała, što pašyrajecca praktyka ŭtojvańnia kiraŭnikami padziažu žyvioły. Tak, za 2023 hod pa hetym fakcie było zaviedziena 29 kryminalnych spraŭ, u 2024 hodzie — užo 64.
Prakuratura źviartaje ŭvahu na adsutnaść nieabchodnaha kantrolu i biaździejnaść čynoŭnikaŭ. Tak, na miescach zamiest taho, kab razabracca z pryčynami hibieli žyvioły, čynoŭniki pišuć u vobłaść farmalnyja spravazdačy. U vyniku situacyja nie tolki nie źmianiajecca, ale i paharšajecca. Za 11 miesiacaŭ 2024 hoda ŭ 18 rajonach vobłaści padziež bujnoj rahataj žyvioły vyras jašče na 41,4% u paraŭnańni z 2023 hodam.
Ciapier čytajuć
«Kali ŭžo siudy prylacić ukrainskaja rakieta!» Vyzvaleny žurnalist Jaŭhien Mierkis raskazaŭ pra škłoŭskuju kałoniju1
Kamientary
A łukašienkovskije činovniki i «kriepkije choziajstvieńniki», bolšinstvo kotorych imiejet profilnoje obrazovanije v sielskochoziajstviennoj akadiemii, nikak nie mohut naviesti poriadok dažie na rodinie svojeho voždia i v toj śfierie, hdie oni połučili obrazovanije.