U viosku Liski Rečyckaha rajona zabryła ryś. Dzikaja žyvioła prabrałasia navat u dvor miascovaj žycharki, paviedamlaje teleradyjokampanija «Homiel».
«Kala haraža siadzieła ryś. Ja jaje ŭbačyła, spałochałasia i ŭciakła ŭ dom. Hladžu ŭ akno — jana pabiehła za mnoj. Viartajusia da dźviarej, a jana ŭžo siadzić kala dźviarej», — raspaviała haspadynia doma Śviatłana.
Paśla ryś kinułasia da valjera z sabakam i kuratnika, ale raptam upała na bok, pačalisia kurčy, a z paščy pajšła piena.
Žančyna adrazu vyklikała supracoŭnikaŭ MNS. Kali ratavalniki prybyli, žyvioła ŭžo pamierła. Ryś dastavili ŭ Homielskuju abłasnuju vieterynarnuju łabaratoryju, dzie śpiecyjalisty paćvierdzili, što takija pavodziny nietypovyja dla dzikich žyvioł i źjaŭlajucca adnoj z prykmiet šalenstva.
Kamientary