Hiermanija ŭ adkaz na pošliny Trampa moža zapatrabavać viarnuć 1200 ton zołata

Hiermanii razhladajuć mahčymaść vyvadu svaich załatych reziervaŭ, što zachoŭvajucca ŭ ZŠA, z-za ŭzmacnieńnia sumnievaŭ u nadziejnaści Vašynhtona jak ekanamičnaha partniora. Pra heta paviedamlaje Bild sa spasyłkaj na infarmavanyja krynicy.

Havorka idzie pra 1200 ton zołata, raźmieščanych u schoviščy Fiederalnaha reziervovaha banka ŭ Ńju-Jorku. Hetyja reziervy naležać Hiermanii i źjaŭlajucca častkaj jaje najbujniejšaha paśla ZŠA załatoha zapasu, ahulny abjom jakoha składaje 3375 ton. Košt niamieckaha zołata, što zachoŭvajecca ŭ ZŠA, ciapier pieravyšaje 113 miljardaŭ jeŭra.

Pavodle Bild, vysokapastaŭlenyja pradstaŭniki Chryścijanska-demakratyčnaha sajuza (CHDS), jaki ŭznačalić nastupny ŭrad FRH, pačali abmierkavańnie pytańnia ab pieramiaščeńni załatoha reziervu z ZŠA — u pryvatnaści, u Frankfurt abo inšyja jeŭrapiejskija schoviščy.

Padstavaj stała zakłapočanaść niepradkazalnym kursam Donalda Trampa, asabliva paśla abviaščeńnia ab uviadzieńni novych handlovych pošlin u dačynieńni da šerahu krain, uklučajučy dziaržavy Jeŭrasajuza.

Kamientary da artykuła