Tramp viadzie pieramovy z Vjetnamam, Indyjaj i Izrailem ab źmiakčeńni handlovych taryfaŭ
Pavodle danych krynic telekanała CNN, pradstaŭniki krain damaŭlajucca pra zaklučeńnie handlovych pahadnieńniaŭ, jakija mahli b źnizić abvieščanyja ŭ dačynieńni da ich pošliny.
Jak dadaje vydańnie Axios, u paniadziełak, 7 krasavika, z metaj damovicca «ab ździełcy pa admienie pošlin» Bieły dom naviedaje premjer-ministr Izraila Bińjamin Nietańjachu. Jon stanie pieršym lidaram dziaržavy, jaki budzie damaŭlacca pra heta asabista z Trampam.
Zhodna ź infarmacyjaj Axios, raniej Izrail sprabavaŭ paźbiehnuć uviadzieńnia taryfaŭ, abviaściŭšy, što admaŭlajecca ad usich pošlin na amierykanskija tavary, ale heta «nie spracavała».
U sieradu, 2 krasavika, prezident ZŠA Donald Tramp uvioŭ taryfy na impart tavaraŭ u ZŠA dla bolš jak 200 krain i terytoryj. Dla Vjetnama, Indyi i Izraila jany skłali 46%, 26% i 17% adpaviedna.
Kamientary