Kitaj padniaŭ palčatku: myty ŭ adkaz na impart z ZŠA buduć takimi ž
Kitaj abviaściŭ, što ŭviadzie dadatkovyja pošliny ŭ pamiery 34% na impart z ZŠA ŭ adkaz na pošliny, pra jakija zajaviŭ prezident Donald Tramp, havorycca ŭ paviedamleńni kamisii pa taryfach Dziaržsavieta KNR. Hetyja miery ŭstupiać u siłu 10 krasavika.
U viedamstvie padkreślili, što dziejańni ZŠA «nie adpaviadajuć praviłam mižnarodnaha handlu, nanosiać surjoznuju škodu pravam i intaresam Kitaja i źjaŭlajucca typovym prajaŭleńniem adnabakovaha zapałochvańnia».
«Kitaj nastojliva zaklikaje Złučanyja Štaty nieadkładna admianić adnabakovyja taryfnyja miery i ŭrehulavać handlovyja razychodžańni šlacham kansultacyj na roŭnapraŭnaj, pavažlivaj i ŭzajemavyhadnaj asnovie», — havorycca ŭ paviedamleńni.
Tym časam cana červieńskich fjučarsaŭ na naftu Brent źniziłasia da $65 za baral, śviedčać danyja tarhoŭ łondanskaj biržy ICE. U apošni raz nafta handlavałasia nižej za $65 za baral u žniŭni 2021 hoda.
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im14
Kamientary