Ci majuć biełarusy prava publikavać fota z parušeńniami susiedziaŭ u damavym čacie?
Mnohija biełarusy, jakija znachodziacca ŭ damavych čatach u mesendžarach, sutykalisia z publikacyjaj tam fota i videa, z dapamohaj jakich adnyja žychary skardziacca na parušeńni inšych. U Nacyjanalnym centry abarony piersanalnych danych (NCAPD) rastłumačyli, ci zakonna heta.
«Raźmiaščać takija materyjały ŭ internecie (u miesiendžary) — heta apracoŭka asabistych źviestak, i dla hetaha treba mieć pravavuju padstavu», — patłumačyli ŭ centry.
Tam raskazali, što arhanizacyi ŭłaśnikaŭ nie majuć prava, zhodna z zakanadaŭstvam, publikavać fota i videa biez dazvołaŭ ludziej, jakija vyjaŭlenyja na kadrach. Kali ž žychary ŭbačyli ŭ dziejańniach svaich susiedziaŭ pravaparušeńnie, to treba źviarnucca «va ŭpaŭnavažanyja (u tym liku pravaachoŭnyja) orhany» i im užo raskazać pra zaŭvažanaje dla pryciahnieńnia vinavatych da adkaznaści.
Zhodna z č. 1 art. 23.7 KaAP Biełarusi, za naŭmysnyja niezakonnyja zbor, apracoŭku, zachoŭvańnie abo nadańnie piersanalnych danych fizasoby albo parušeńnie jaho pravoŭ, źviazanych z apracoŭkaj piersanalnych danych, pahražaje štraf u pamiery da 50 bazavych vieličyń (ciapier 2100 rubloŭ).
Čytajcie taksama:
«I vychadny stracili, i nie zarabili, i patracilisia». Što biełarusy havorać pra subotniki
«Užo tam karoŭ nie zastałosia!»: były načalnik Kačanavaj apłakvaje stan ekanomiki na Połaččynie