Da Dnia Pieramohi ŭ Minsku adkryjuć rekanstrujavany kinateatr «Maskva» FOTY

Budaŭniki rychtujuć minski kinateatr «Maskva» da ŭvodu paśla rekanstrukcyi, apošnija štrychi nanosiać adździełačniki i kliniery, paviedamlaje «Minskbud». Adkryć abnoŭleny kinateatr źbirajucca da Dnia Pieramohi.

Pa słovach načalnika ŭčastka hienpadradnaha SU-3 budtresta № 1 Maksima Kavaleviča, abstalavańnie ŭ «Maskvie» zmantavanaje ŭ poŭnym abjomie, a na hetym tydni zaviaršajucca puska-naładačnyja raboty.

Pa stanie na hety momant śpiecyjalisty ŭstaloŭvajuć ekran u treciaj zale na 215 miescaŭ i adrazu ž prystupajuć da mantažu ekrana ŭ zale na 675 miescaŭ — samym vialikim u Biełarusi.

Pamiaškańni razam ź inžyniernymi kamunikacyjami ŭžo pieradajucca arhanizacyi, jakaja budzie ich vykarystoŭvać.

U abnoŭlenaj «Maskvie», pabudavanaj pieršapačatkova ŭ 1980 hodzie, buduć čatyry kinazały: samaja vialikaja — na 675 miescaŭ, a najmienšaja — tolki dla 48 hledačoŭ. 

Kamientary da artykuła