Pahladzicie, jak upryhožać Kastryčnickuju płošču da 9 maja FOTA
1 418 elemientaŭ mastacka-dekaratyŭnaha afarmleńnia raźmieściać u stalicy napiaredadni 9 Maja, paviedamili Minsk-navinam na pradpryjemstvie «Minskrekłama».
— Lejtmatyŭ afarmleńnia hetaha hoda — zachavańnie histaryčnaj pamiaci pra rolu Savieckaj armii ŭ pieramozie nad fašysckaj Hiermanijaj i vyzvaleńni krain Zachodniaj Jeŭropy ad akupacyi, — adznačyła načalnica adździeła dyzajnu pradpryjemstva «Minskrełama» Taćciana Buharkova.
— Na šlachu da Vialikaj Pieramohi było zroblena 1 418 krokaŭ — stolki doŭhich dzion ciahnułasia Vialikaja Ajčynnaj vajna, tamu ŭ hod takoj znakavaj daty vyrašyli ŭpleści ŭ kanvu ŭpryhožvańnia Minska mienavita hetuju ličbu. Takaja kolkaść tematyčnych kampazicyj, dyzajnierskich kanstrukcyj i śviatočnych instalacyj raźmieścicca na płoščach i praśpiektach, rajonnych placoŭkach i ŭ haradskich parkach stalicy.
Kastryčnickuju płošču ŭpryhožyć habarytnaja instalacyja z čatyroch kanstrukcyj, kožnaja vyšynioj u 12 mietraŭ. Na joj raźmieściacca fota prasoŭvańnia 1-ha, 2-ha i 3-ha Biełaruskaha frantoŭ, a taksama 1-ha Prybałtyjskaha frontu.
Płošču Niezaležnaści ŭpryhožyć śviatočnaja kampazicyja, a fasad Piedahahičnaha ŭniviersiteta tradycyjna — 40-mietrovaje tkaninavaje pano, vykananaje ŭ ručnoj technicy.
— Sioleta pano va ŭsich adcieńniach čyrvonaha i załatoha, što simvalizujuć kolery Vialikaj Pieramohi, — udakładniła T. Buharkova. — Asnoŭnymi akcentami stanuć orden Ajčynnaj vajny, butańjerka — jabłynievaja kvietka ŝ abramleńni čyrvona-zialonaj stužki i frahmient stylizavanaha ściaha Pieramohi. Na praśpiekcie Pieramožcaŭ budzie ekspazicyja płakataŭ, paštovak i marak savieckaha času, pryśviečanych Vialikaj Pieramozie.
Śviatočnyja kanstrukcyi źjaviacca kala haradskoj ratušy, na płoščy Dziaržaŭnaha ściaha, pobač z univiermaham «Biełaruś».
Łahatypam 9 Maja 2025-ha stanie akcentnaja piacikancovaja zorka, kontur jakoj aplatajuć stužki ŭ kolerach dziaržaŭnaj hieraldyki. U centry — vyhraviravanaja zołatam śviatočnaja data, a na piarednim płanie — simvaličnaja vyjava manumienta Pieramohi.
Šmatlikija śviatočnyja fotazony arhanizujuć na haradskich placoŭkach: siužetnuju «Pieśni pra vajnu» — kala Kamaroŭskaha rynku, abjomnuju z vyjavami rodaŭ vojskaŭ Čyrvonaj Armii — na płoščy Ja. Kołasa, z afišami i fotadakumientami filmaŭ pra vajnu — kala kinateatra «Pieramoha».
Ciapier čytajuć
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza3
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary
Pakažycie sipataj kramloŭskaj pačvare, što jon pa-za narodam.