Jana zakranie kala 8 tysiač asudžanych. Abiacajuć, što amnistyja budzie datyčyć novaj katehoryi asudžanych — z peŭnym zachvorvańniem.
Pa daručeńni Łukašenki ŭradam uniesieny ŭ parłamient zakonaprajekt «Ab amnistyi ŭ suviazi z 80-hodździem Pieramohi ŭ Vialikaj Ajčynnaj vajnie».
U zakonaprajekcie zachavany padychody minułych hadoŭ, ale praduhledžany i šerah navacyj, paviedamlaje pres-słužba Łukašenki.
Pieralik asob, jakija całkam vyzvalajucca ad pakarańnia i inšych mier kryminalnaj adkaznaści, dapoŭnieny novaj katehoryjaj asob z peŭnymi zachvorvańniami. Ale što heta za katehoryja, nieviadoma.
Taksama prapanujecca raniej nie sudzimym asobam, jakija dasiahnuli 70-hadovaha ŭzrostu i asudžanym da pazbaŭleńnia voli na termin da šaści hadoŭ uklučna, zamianić pakarańnie bolš miakkim u vyhladzie abmiežavańnia voli biez nakiravańnia ŭ papraŭčuju ŭstanovu adkrytaha typu.
Taksama budzie prymianiacca častkovaja amnistyja ŭ vyhladzie skaračeńnia pakarańnia na adzin hod da asob, asudžanych za nieaściarožnyja złačynstvy, jakija pryviali da śmierci čałavieka.
Asnoŭnymi ŭmovami dla prymianieńnia amnistyi źjaŭlajucca poŭnaje pakryćcio škody, a taksama stanoŭčaja charaktarystyka asoby ŭ pieryjad adbyćcia pakarańnia.
Pavodle papiarednich raźlikaŭ, pad amnistyju trapiać amal 8 tysiač asudžanych.
Za apošnija piać hadoŭ u Biełarusi byli abvieščanyja čatyry amnistyi. Palitviaźniaŭ jany nie tyčylisia.
Ciapier čytajuć
Biełaruskija repietytary ŭ panicy: praz prablemy «Jandeksa» jany mohuć stracić materyjały, jakija napracoŭvali hadami23
Kamientary
a ostalnyje, vmieniajemyje vieśma usłovno i tolko potomu, čto niet ałkohola.
i vot imienno ich riehularno vypuskajut i zamieniajut na boleje lehkije varianty.
otličnyj podchod..
A na voli varańnio..." Jasna dla kaho - dla viertykalnych karupcyjanieraŭ i varoŭ, bo ž sacyjalna blizkija.