U maładych žančyn z ZŠA ŭpieršyniu zafiksavali bolš zapojaŭ, čym u mužčyn

Z 2021 pa 2023 hod uzrovień sparadyčnaha ŭžyvańnia ałkaholu (binge drinking) siarod maładych žančyn u ZŠA ŭpieršyniu pieravysiŭ pakazčyki siarod mužčyn taho ž uzrostu. Pra heta havorycca ŭ daśledavańni, apublikavanym u časopisie Journal of the American Medical Association, piša life.pravda.com.ua.

Zdymak ilustracyjny. Fota: freepik.com

Daśledčyki praanalizavali danyja 267 843 darosłych, jakija ŭdzielničali ŭ Nacyjanalnym apytańni pa ŭžyvańni narkotykaŭ i zdaroŭi (National Survey on Drug Use and Health) za dva pieryjady: 2017-2019 i 2021-2023 hady.

Navukoŭcy ź Pitsburhskaha ŭniviersiteta chacieli vyvučyć, jak źmianilisia hiendarnyja adroźnieńni ŭ častacie praźmiernaha i rehularnaha ŭžyvańnia ałkaholu.

U 2017-2019 hadach pakazčyk epizadyčnaha ŭžyvańnia ałkaholu na praciahu miesiaca byŭ značna nižejšy z žančyn, čym u mužčyn: 22,6 suprać 29,2 vypadku na 100 čałaviek. Siarod moładzi va ŭzroście 18-25 hadoŭ hetyja ličby składali 36,4 u žančyn suprać 37,7 u mužčyn.

Adnak u 2021-2023 hadach karcina źmianiłasia.

Choć u cełym žančyny praciahvali ŭžyvać mienš ałkaholu, čym mužčyny (21,8 suprać 25,7 na 100 čałaviek), siarod žančyn va ŭzroście 18-25 hadoŭ zafiksavali bolš vysoki ŭzrovień epizadyčnaha pjanstva, čym siarod mužčyn — 31,6 suprać 29,9 na 100 čałaviek.

Niahledziačy na rost binge drinking siarod maładych žančyn, pakazčyk ciažkaha rehularnaha ŭžyvańnia ałkaholu (heavy drinking) zastajecca nižejšym u žančyn va ŭsich uzrostavych hrupach. U 2021-2023 hadach jon składaŭ 5,0 na 100 čałaviek u žančyn i 7,8 u mužčyn.

«Uličvajučy rost vypadkaŭ ałkaholnaj chvaroby piečani i śmiarotnaści siarod žančyn u paraŭnańni z mužčynami, daktary pavinny staranna pravodzić skryninh na praźmiernaje ŭžyvańnie ałkaholu siarod maładych žančyn, kab pamienšyć ryzyki dla zdaroŭja ŭ budučyni», — adznačajuć aŭtary daśledavańnia.

Varta adznačyć, što binge drinking — heta nie štodzionnaje pjanstva, a pieryjadyčnaje praźmiernaje ŭžyvańnie śpirtnoha. U ZŠA «zapojem» ličać spažyvańnie takoj kolkaści ałkaholu, jakoje pavyšaje kancentracyju ałkaholu ŭ kryvi da 0,08% i vyšej (5+ standartnych napojaŭ dla mužčyn ci 4+ standartnych napojaŭ dla žančyn).

Kamientary da artykuła