Pakistancy ŭžo pracujuć u Biełarusi. Videa z Babrujsku ź imi ablacieła tyktok
Videa z babrujskaj kramy, dzie dva pakistancy kuplajuć łavašy, sabrała amal paŭmiljona prahladaŭ. Pamiž aŭtaram videa i mihrantami adbyłasia davoli pryjaznaja hutarka.
Videa apublikavała miascovaje vydańnie BOBR.BY. Žurnalist sustreŭ pryjezdžych mužčyn u kramie — jany kuplali łavaš.
Karespandent spytaŭ, skul tyja. Mužčyny adkazali, što z Pakistana, pracujuć na lesapiłcy, u Biełarusi im padabajecca, a na pracy jany majuć kantrakt u adzin hod.
Videa sabrała amal tysiaču kamientaroŭ. Šmat chto paśla jaho staŭ pisać, što na videa — pracavityja, achajna apranutyja, vietlivyja ludzi. Ale šmat chto piša, što pakul baicca ich. Da taho ž kamientatary rasčaravanyja, što nie daviedalisia zarobkaŭ pakistancaŭ, bo nie vierać, što tyja zdalok pryjechali dziela 500 dalaraŭ.
Ci hetyja pracaŭniki pryjechali paśla zajaŭ Łukašenki pra 150 tysiač pakistancaŭ, nieviadoma. Pa danych MUS, z pačatku hoda pryjechaŭ 31 pracoŭny mihrant z Pakistana. U minułym hodzie ich było niašmat — 36 čałaviek.
Čytajcie taksama:
Łukašenka apraŭdvajecca za ideju z pryjezdam 150 tysiač pakistancaŭ — heta, kab «zachavać naš narod»
«Čym pakistancy ŭ Biełarusi adroźnivajucca ad biełarusaŭ u Polščy?»
Ci raście złačynnaść paśla pryjezdu imihrantaŭ? Pravieryli na prykładzie Polščy
Što značyć pryjezd 150 tysiač mihrantaŭ z Pakistana ŭ Biełaruś: pohlad Ihara Tura