Łukašenka apraŭdvajecca za ideju z pryjezdam 150 tysiač pakistancaŭ — heta, kab «zachavać naš narod»
Alaksandr Łukašenka vykazaŭsia na temu pryciahnieńnia ŭ Biełaruś pracoŭnych mihrantaŭ, u tym liku z Pakistana, piša BiełTA.
Jon kanstatavaŭ, što prablemy z pracoŭnymi resursami isnujuć u mnohich krainach i rehijonach, u tym liku ŭ Jeŭrapiejskim sajuzie, Rasii.
«Naturalna, jak Jeŭrapiejski sajuz, Rasija, tak i, napeŭna, nam daviadziecca ŭ najbližejšaj budučyni pahadzicca z tym, što ŭ nas buduć pracavać ludzi ź inšych krain. I pierš za ŭsio krain azijackich. Na pieramovach z pakistancami my damovilisia pra toje, što my vypracujem adpaviednuju prahramu, jakaja budzie zaćvierdžana mižuradavym pahadnieńniem. To-bok treba vypracavać miechanizm, kab nie atrymałasia tak, jak nas siońnia i naš narod sprabujuć pałochać», — skazaŭ Łukašenka.
Jon zajaviŭ, što na hetaj temie «chočuć uzvarušyć biełaruskaje hramadstva». Pry hetym adznačyŭ, što pradukcyjnaść pracy ŭ Biełarusi pakul u dva-try razy nižejšaja, čym u Jeŭrasajuzie.
«Ja mahu pa-narodnamu skazać, niepapularna: nu kali ŭ nas niechta baicca zamiežnikaŭ, treba pracavać tady za traich, chacia b za dvaich. I my ŭ najbližejšyja 10—15 hadoŭ uvohule nie budziem kazać pra deficyt pracoŭnych resursaŭ, — adznačyŭ jon. — Chočam my hetaha? Nie vielmi. Ja kažu niepapularna, ale adkryta».
Łukašenka dadaŭ taksama, što kali biełarusy nie chočuć pryjezdu mihrantaŭ, to treba bolej naradžać — «pa troje-čaćviora, a lepiej piaciora», publikuje jaho vystup STB.
«Kali my chočam zachavać svaju krainu, zachavać naš narod, być suvierennymi, niezaležnymi, budavać Muziej historyi biełaruskaj dziaržaŭnaści i našaha naroda i lubavacca, jakimi my byli i kolki stahodździaŭ my žyviem, u asnovie pavinna lažać ekanomika. A heta — ludzi.
Kali my chočam pracavać, kiravać pracesami, nijakaha strachu niama, što da nas pryjeduć (mihranty ź inšych krain). Z tysiačy čałaviek buduć u nas, dapuścim, 60 abo 100 čałaviek zamiežnikaŭ. Heta narmalnaja praktyka. A ŭvohule ŭ nas pracoŭnych resursaŭ u pryncypie dastatkova. A dzie nie chapaje, my praśviatlim kožnaha čałavieka i voźmiem jaho žyć na samaj pryhožaj ziamli — biełaruskaj ziamli. Ź luboj krainy. Tych, chto zachoča pracavać».
Jon pry hetym adznačyŭ, što mihranty z roznych krain pavinny być raśsielenyja pa terytoryi Biełarusi. Akcent taksama budzie zrobleny na zaprašeńni pryjazdžać adrazu siemjami.
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ
Navošta Łukašenku spatrebilisia 150 tysiač pakistancaŭ?
Što značyć pryjezd 150 tysiač mihrantaŭ z Pakistana ŭ Biełaruś: pohlad Ihara Tura
Łukašenka: My chočam z Pakistana śpiecyjalistaŭ, a nie prosta moładź. I najpierš u Baranavičy
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary