Va Ukrainie vykryli špijonskuju sietku, źviazanuju ź vienhierskaj raźviedkaj
Słužba biaśpieki Ukrainy (SBU) zajaviła, što vykryła špijonskuju sietku, jakaja pracavała suprać Ukrainy i była źviazanaja z vajskovaj raźviedkaj Vienhryi. Zatrymanyja dva byłyja ŭkrainskija vajskoŭcy, jakija, pavodle SBU, źbirali infarmacyju pra supraćpavietranuju abaronu i hramadskija nastroi ŭ Zakarpaćci. Ich kuryravaŭ aficer vienhierskaj raźviedki, čyja asoba ŭžo ŭstanoŭlenaja.
Zdymak ilustracyjny. Fota: freepik.com
Adzin z zatrymanych byŭ zavierbavany jašče ŭ 2021 hodzie i ź vieraśnia 2024 hoda aktyŭna pracavaŭ u jakaści ahienta, źbirajučy danyja pra miescaznachodžańnie kompleksaŭ S-300. Druhi adsočvaŭ pavietranuju techniku ŭ rehijonie.
Padčas pieratrusaŭ byli kanfiskavanyja telefony i inšyja dokazy. SBU apublikavała videa sa źniavolenymi, dzie čuvać, jak jany havorać pa-vienhiersku.
Heta pieršy viadomy vypadak dziejnaści vienhierskaj špijonskaj sietki suprać Ukrainy. Situacyja abvastraje i biez taho napružanyja adnosiny pamiž Kijevam i Budapieštam, asabliva na fonie prarasijskaj pazicyi vienhierskaha premjera Viktara Orbana.
Čytajcie taksama:
Za Rasiju va Ukrainie vajujuć tysiačy najmitaŭ ź jak minimum paŭsotni krain śvietu. Chto jany?