Zachad padrychtavaŭ płan pieramirja pamiž Rasijaj i Ukrainaj
Amierykanskija, jeŭrapiejskija i ŭkrainskija pierahavorščyki ŭzhadnili prajekt pahadnieńnia z 22 punktaŭ dla spynieńnia vajny va Ukrainie. Jak piša NBC News sa spasyłkaj na svaju krynicu, jon praduhledžvaje 30-dzionnaje spynieńnie ahniu.
Prezident Ukrainy Uładzimir Zialenski, prezident Francyi Emanuel Makron i premjer-ministr Vialikabrytanii Kir Starmier. Fota: Stefan Rousseau — WPA Pool/Getty Images
Dakumient taksama ŭklučaje ŭmovu, jakaja adpaviadaje patrabavańniu prezidenta Rasii Uładzimira Pucina — ZŠA nie buduć padtrymlivać ustupleńnie Ukrainy ŭ NATA. Inšyja padrabiaznaści nie pryvodziacca.
«Kali Pucin šukaje vyjście — voś jano», — zajaviŭ čynoŭnik, jaki paviedamiŭ hetuju infarmacyju, dadaŭšy, što prapanovy pavinien pradstavić rasijskamu kiraŭniku śpiecpradstaŭnik prezidenta ZŠA Styŭ Uitkaf.
Kali mienavita Uitkaf pavinien sustrecca z Pucinym — nie paviedamlajecca.
Raniej ministr zamiežnych spraŭ Ukrainy Andrej Sibiha napisaŭ u sacsietcy X:
«Ukraina i ŭsie sajuźniki hatovyja da poŭnaha i biezumoŭnaha pieramirja na sušy, u pavietry i na mory minimum na 30 dzion — užo z paniadziełka».
Prezident Ukrainy Uładzimir Zialenski taksama zajaviŭ, što hatovy pačać pramyja pieramovy z Rasijaj, kali toj bok u svaju čarhu pahodzicca na 30-dzionnaje pieramirje.
Čytajcie taksama:
Kreml zapatrabavaŭ dla pačatku 30-dzionnaha pieramirja spynić pastaŭki zbroi Ukrainie
Rasija i Ukraina mohuć padpisać pahadnieńnie ab spynieńni ahniu ŭ hetyja vychadnyja — Mierc
Łukašenka: Rasija daŭno hatovaja nie prosta da pieramirja va Ukrainie, a da zaklučeńnia miru