Kreml zapatrabavaŭ dla pačatku 30-dzionnaha pieramirja spynić pastaŭki zbroi Ukrainie
Dla pačatku 30-dzionnaha pieramirja pamiž Rasijaj i Ukrainaj krainy Zachadu pavinny prypynić pastaŭki ŭzbrajeńniaŭ Kijevu, zajaviŭ pres-sakratar prezidenta Rasii Dźmitryj Piaskoŭ u intervju amierykanskamu telekanału ABC.
«Kali my havorym pra spynieńnie ahniu, to što nam rabić z pastaŭkami zbroi, jakija Ukraina štodnia atrymlivaje z ZŠA i jeŭrapiejskich krain?», — zadaŭsia Piaskoŭ pytańniem.
Pry hetym jon dadaŭ, što pastaŭki ŭzbrajeńniaŭ pavinny spynicca da ŭstupleńnia ŭ siłu režymu cišyni. U advarotnym vypadku, na jaho dumku, Kijeŭ vykarystaje hety pieryjad dla mabilizacyi, ratacyi, navučańnia novych bajcoŭ i adnaŭleńnia najaŭnych sił.
Jak śćviardžaje Piaskoŭ, u toj čas jak Kijeŭ nibyta «nie hatovy da nieadkładnych pieramoŭ, Uładzimir Pucin «prykładaje ŭsie namahańni dla ŭrehulavańnia kanfliktu mirnymi i dypłamatyčnymi srodkami». A praciahvaje vajnu tolki tamu, što takich srodkaŭ, maŭlaŭ, niama pad rukoj.
Tym nie mienš, pavodle słoŭ Piaskova, u Maskvie raźličvajuć, što ŭdzieł Złučanych Štataŭ, a taksama asabistaje pasiarednictva prezidenta ZŠA Donalda Trampa, mohuć źmianić situacyju.
«My spadziajemsia, što namahańni Vašynhtona dapamohuć pryŭnieści ŭ pazicyju Kijeva trochi bolš hnutkaści i palityčnaj voli», — padkreśliŭ Dźmitryj Piaskoŭ.
U toj ža čas namieśnik staršyni Rady biaśpieki Rasi Dźmitryj Miadźviedzieŭ vystupiŭ z krytykaj mirnych prapanoŭ zachodnich palitykaŭ u zusim inšaj maniery. Kamientujučy ŭ sacsietcy X siońniašniuju sustreču ŭdzielnikaŭ «Kaalicyi achvotnych» u Kijevie, na jakoj prysutničali siarod inšych lidary Hiermanii, Vialikabrytanii, Francyi i Polščy, jon napisaŭ:
«Mierkavałasia, što Makron, Mierc, Starmier i Tusk prybuduć u Kijeŭ, kab havaryć pra mir. Ale zamiest hetaha jany sypluć pahrozami na adras Rasii: albo pieramirje, kab dać pieradyšku banderaŭskim ardam, albo novyja sankcyi. Heta razumna, ha? Zasuńcie hetyja mirnyja płany sabie ŭ panhiendarnyja azadki!»
Paśla sustrečy «Kaalicyi achvotnych» u Kijevie jeŭrapiejskija lidary sazvanilisia z Trampam
Amierykanskaja ambasada ŭ Kijevie papiaredziła pra mahčymy maštabny abstreł Ukrainy
Rasija i Ukraina mohuć padpisać pahadnieńnie ab spynieńni ahniu ŭ hetyja vychadnyja — Mierc
Łukašenka: Rasija daŭno hatovaja nie prosta da pieramirja va Ukrainie, a da zaklučeńnia miru
Vens zajaviŭ, što Rasija choča zanadta šmat
Śpiecpradstaŭnik Trampa Kiełah nazvaŭ Pucina hałoŭnaj pieraškodaj na šlachu da spynieńnia ahniu va Ukrainie
Ciapier čytajuć
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»6
Kamientary