Starmier i Makron adchilajuć patrabavańnie Pucina spynić vajskovuju dapamohu Ukrainie dla 30-dzionnaha spynieńnia ahniu
ZŠA, Vialikabrytanija, Francyja, Ukraina i partniory adzinyja ŭ prapanovie, što 30-dzionnaje spynieńnie ahniu pavinna być biezahavoračnym i biezumoŭnym, tamu niejkija patrabavańni Rasii nieprymalnyja, a admova ad takoj prapanovy pavinna mieć vynikam uzmacnieńnie strohaści sankcyj, zajavili premjer-ministr Vialikabrytanii Kir Starmier i prezident Francyi Emanuel Makron. Pra heta paviedamlaje «Interfaks-Ukraina».
«Za apošnija niekalki hadzin Pucin vystaviŭ umovy spynieńnia ahniu. A my padkreślivajem biezumoŭnaje spynieńnie ahniu. My nie prymajem lubyja prapanovy dadatkovych umoŭ», — zajaviŭ premjer Vialikabrytanii na sustrečy «Kaalicyi achvotnych» u Kijevie ŭ subotu, jakaja afłajn i anłajn sabrała pradstaŭnikoŭ bolš za 30 krain.
«Havorka idzie pra biezumoŭnaje spynieńnie ahniu na ziamli, u mory, u niebie. Heta pavinna być spynieńnie ahniu z mahčymaściu padaŭžeńnia, z mahčymaściu manitorynhu, z mahčymaściu raźviadzieńnia sił navokał linii kantrolu. Z dapamohaj usich, chto choča dałučycca da kaalicyi, heta budzie rabicca», — adznačyŭ prezident Francyi.
Pa jaho słovach, heta vielmi važna, kab papiaredzić mahčymyja parušeńni.
«My absalutna nie prymajem lubuju mahčymaść lubych sastupak. My padkreślivajem: nijakich papiarednich umoŭ pa spynieńni pastavak zbroi abo niejkich inšych momantaŭ. My pavinny być vyraznymi: kali Rasija nie pahodzicca, jana sutykniecca z nastupstvami dadatkovych sankcyj i ŭzmacnieńnia padtrymki Ukrainy», — padkreśliŭ Makron.
Kir Starmier nahadaŭ, što Ukraina pahadziłasia na hetuju prapanovu 30-dzionnaha spynieńnia ahniu jašče dva miesiacy tamu, kali ź joj vyjšli ZŠA. Pa słovach Emanuela Makrona, novy pakiet sankcyj hatovy, a ŭ vypadku admovy Rasii abo parušeńnia pieramirja ŭ nastupnyja dni budzie vieścisia padrychtoŭka da jaho ŭžyvańnia razam z ZŠA.
«Prezident Tramp zrabiŭ vielmi šmat važnych krokaŭ u apošnija dni dla ŭzmacnieńnia i kaardynacyi takoj pracy. I my hatovyja vystavić hety pakiet sankcyj u vypadku luboha parušeńnia, spynieńnia ahniu», — padkreśliŭ Makron.
Jon taksama dadaŭ, što padtrymka Uzbrojenych sił Ukrainy zachavajecca, tamu što mahutnaja ŭkrainskaja armija — heta najlepšaja harantyja biaśpieki, tamu treba budzie zabiaśpiečyć naležnaje finansavańnie pakietaŭ dapamohi.
«I treci momant — praciahły mir patrabuje sapraŭdy mižnarodnych harantyj biaśpieki. Mienavita tamu my ŭmacoŭvajem našu kaalicyju, rychtujem da prapanoŭ pa farmavańni kantynhientu. Hetaja praca z partniorami idzie štodnia, i chaču padziakavać našaj vajskovaj kamandzie za jaje štodzionnuju pracu pa płanavańni. Chaču padziakavać joj za supracoŭnictva ŭ ramkach NATA dla padrychtoŭki tych sił, taho kantynhientu, jaki budzie akazvać dapamohu ŭkrainskaj armii ŭ padtrymańni miru», — taksama zajaviŭ prezident Francyi.
Kreml zapatrabavaŭ dla pačatku 30-dzionnaha pieramirja spynić pastaŭki zbroi Ukrainie
Rasija i Ukraina mohuć padpisać pahadnieńnie ab spynieńni ahniu ŭ hetyja vychadnyja — Mierc
Paśla sustrečy «Kaalicyi achvotnych» u Kijevie jeŭrapiejskija lidary sazvanilisia z Trampam
Jeŭrapiejskija lidary pryjechali ŭ Kijeŭ
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary
Vynikaje, što mieli ryčahi ūplyvu na Rasieju, alie ničoha nie rabili, čakali 3 hady... Peūna vieļmi mir u jeūropie ich chvaliavaū, i chvaliuje, aha...