Erdahan skazaŭ Pucinu, što hatovy arhanizavać mirnyja pieramovy, ale padkreśliŭ nieabchodnaść spynieńnia ahniu

Prezident Turcyi Redžep Taip Erdahan pahavaryŭ pa telefonie z Uładzimiram Pucinym. Abmiarkoŭvałasia adnaŭleńnie mirnych pieramovaŭ pamiž Ukrainaj i Rasijaj.

Redžep Taip Erdahan. Fota: Paul Ellis Pool Getty Images

Turcyja hatovaja pryniać mirnyja pieramovy pamiž Ukrainaj i Rasijaj. Pra heta prezident Turcyi Redžep Taip Erdahan paviedamiŭ Pucinu padčas telefonnaj razmovy.

Erdahan vitaŭ zajavu rasijskaha prezidenta ab hatoŭnaści adnavić mirnyja pieramovy ŭ Stambule i paćvierdziŭ, što Turcyja hatovaja stać placoŭkaj dla dyjałohu, jaki pryviadzie da tryvałaha vyrašeńnia kanfliktu, paviedamlaje TASS.

Pry hetym Erdahan adznačyŭ, što spynieńnie ahniu maje klučavoje značeńnie dla pieramovaŭ — heta, nahadajem, pazicyja Ukrainy i jaje jeŭrapiejskich sajuźnikaŭ.

«Adkryłasia akno mahčymaściaŭ dla dasiahnieńnia miru, i ŭsiebakovaje spynieńnie ahniu stvoryć nieabchodnyja ŭmovy dla mirnych pieramovaŭ», — padkreśliŭ Erdahan.

Napiaredadni ŭ Kijevie «kaalicyja achvotnych» u składzie lidaraŭ Vialikabrytanii, Francyi, Hiermanii, Polščy i Ukrainy zaklikała da biezumoŭnaha spynieńnia ahniu z 12 maja. Adnak Uładzimir Pucin u načnym zvarocie prapanavaŭ adnavić pieramovy z Ukrainaj u Stambule z 15 maja — biez papiarednich umovaŭ. U Kijevie padkreślivajuć važnaść spynieńnia ahniu da pačatku pieramovaŭ. 

Kamientary da artykuła