Francyja, Hiermanija, Polšča, Vialikabrytanija i Ukraina pryniali sumiesnuju zajavu ab nieabchodnaści pieramirja
Prezident Ukrainy Uładzimir Zialenski apublikavaŭ u sacyjalnych sietkach sumiesnuju zajavu lidaraŭ Francyi, Hiermanii, Polščy, Vialikabrytanii i Ukrainy pa vynikach sustrečy ŭ Kijevie.
U zajavie havorycca, što 10 maja prezident Francyi Emaniuel Makron, premjer-ministr Vialikabrytanii Kir Starmier, niamiecki kancler Frydrych Mierc, kiraŭnik polskaha ŭrada Donald Tusk i prezident Ukrainy Uładzimir Zialenski sustrelisia ŭ Kijevie.
Jany pahadzilisia, što z paniadziełka, 12 traŭnia, pavinna być poŭnaje i biezumoŭnaje spynieńnie ahniu minimum na 30 dzion.
Adznačajecca, što biezumoŭnaje spynieńnie ahniu pa vyznačeńni nie moža być «abmiežavana nijakimi ŭmovami». Kali ž Rasija budzie vyłučać takija ŭmovy, heta možna razhladać tolki jak sprobu «praciahnuć vajnu i padarvać dypłamatyju».
Lidary patrabujuć, kab spynieńnie ahniu było usioachopnym: u pavietry, na mory i na sušy. Palityki padkreślili, što heta patrabuje efiektyŭnaha manitorynhu, jaki moža być paśpiachova realizavany ŭ ciesnaj kaardynacyi sa Złučanymi Štatami. Na praciahu hetaha pieryjadu dypłamatyčnaja praca pavinna być skancentravanaja na vyznačeńni biaśpieki, palityčnych i humanitarnych asnoŭ śvietu.
«Jany padkreślili nadzvyčajnuju važnaść umacavańnia Sił abarony i biaśpieki Ukrainy jak hałoŭnaj harantyi suvierenitetu i biaśpieki Ukrainy», — paviedamiŭ Zialenski.
U zajavie havorycca, što asnoŭnym elemientam harantyj biaśpieki Ukrainy taksama pavinny stać harantyjnyja siły (kantynhient).
Lidary krain pahadzilisia: kali Rasija admovicca ad poŭnaha i biezumoŭnaha spynieńnia ahniu, varta ŭžyć sankcyi da jaje bankaŭskaha i enierhietyčnaha siektaraŭ, nacelenyja na vykapniovaje paliva, naftu i cieniavy fłot. Taksama damovilisia pryniać 17-y pakiet sankcyj ES i skaardynavać jaho z sankcyjami, jakija ŭviali Vialikabrytanija i Narviehija, a taksama Złučanyja Štaty. Akramia taho, damovilisia praciahnuć pracu nad vykarystańniem zamarožanych rasijskich aktyvaŭ.
«Jany vykazali hatoŭnaść i ŭ dalejšym umacoŭvać abaronu Ukrainy, asabliva ŭkrainskuju armiju. Heta pavinna praduhledžvać finansavańnie abaronnaj ustojlivaści i inviestycyi ŭ vytvorčaść uzbrajeńniaŭ jak va Ukrainie, tak i ŭ jeŭrapiejskich krainach u ramkach sumiesnych prajektaŭ», — havorycca ŭ zajavie.
U Kramli paabiacali «padumać» nad prapanovaj ab 30-dzionnym pieramirji
Zachad padrychtavaŭ płan pieramirja pamiž Rasijaj i Ukrainaj
Starmier i Makron adchilajuć patrabavańnie Pucina spynić vajskovuju dapamohu Ukrainie dla 30-dzionnaha spynieńnia ahniu
Kreml zapatrabavaŭ dla pačatku 30-dzionnaha pieramirja spynić pastaŭki zbroi Ukrainie
Rasija i Ukraina mohuć padpisać pahadnieńnie ab spynieńni ahniu ŭ hetyja vychadnyja — Mierc
Ciapier čytajuć
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk4
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu2121
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu21
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary