Prezident Rasii vyjšaŭ da presy a 1:30 nočy i vystupiŭ z zajavaj.
Uładzimir Pucin prapanavaŭ Ukrainie adnavić mirnyja pieramovy ŭ Stambule biez anijakich papiarednich umovaŭ. Dataj jon nazvaŭ užo 15 maja.
«My prapanujem kijeŭskim uładam adnavić pieramovy, spynienyja imi ŭ kancy 2022 hoda, adnavić pramyja pieramovy — biez anijakich papiarednich umovaŭ. Pačać prapanujem biez zatrymki ŭžo ŭ nastupny čaćvier, 15 maja, u Stambule — tam, dzie jany raniej pravodzilisia i dzie byli spynieny», — skazaŭ Pucin.
Jon źviarnuŭsia da prezidenta Turcyi Redžepa Erdahana z prośbaj dać placoŭku dla pieramovaŭ. Pucin dadaŭ, što Rasija nibyta nastrojenaja na surjoznyja pieramovy z Ukrainaj, u tym liku na doŭhaterminovaje spynieńnie ahniu. Pry hetym jon abvinavaciŭ USU ŭ parušeńni pieramirja ŭ honar 9 traŭnia.
«My nastrojeny na surjoznyja pieramovy z Ukrainaj. Ich sens u tym, kab likvidavać pieršapryčyny kanfliktu, pierajści da ŭstalavańnia doŭhaterminovaha, tryvałaha miru ŭ histaryčnaj pierśpiektyvie. Nie vyklučajem, što padčas hetych pieramovaŭ udasca damovicca i pra niejkija novyja pieramirji, pra novaje spynieńnie ahniu — pryčym pra realnaje pieramirje, jakoje vykonvałasia b nie tolki Rasijaj, ale i ŭkrainskim bokam.
Heta byŭ by pieršy krok, paŭtaraju, da doŭhaterminovaha ŭstojlivaha miru, a nie prałoh da praciahu ŭzbrojenaha kanfliktu paśla daŭzbrajeńnia, daŭkamplektavańnia USU i lichamankavaha kapańnia akopaŭ i novych apornych punktaŭ. Kamu patrebny taki mir?» — skazaŭ Pucin.
Jon padziakavaŭ za pasrednictva ZŠA i inšym krainam, a svoj vystup skončyŭ zhadkaj pra Boha: «Pakolki ŭžo pałova druhoj nočy — adpuskaju vas usich z Boham. Da pabačeńnia!»
Nahadajem, pa vynikach pieramovaŭ u Stambule ŭ 2022 hodzie byŭ składzieny dahavor, jaki va Ukrainie ličać kapitulacyjaj. Jon surjozna abmiažoŭvaŭ ukrainskaje vojska i, faktyčna, jaje suvierenitet u źniešniaj palitycy.
Kamientary
putinu žie jasno skazali, - biezusłovnoje pieriemirije na 30 sutok, a tolko zatiem pieriehovory na lubyje tiemy i v lubom miestie !
No amierikanskij łapidar, očieriednoj raz morhnuł, utiorsia i nazvał priedłožiennuju tiahomotinu putina - "čudiesnym i łučšim mirom".