Pamiž Minskam i Piekinam zapuścili rehularny ciahnik
Pamiž Piekinam i Minskam zapuścili pieršy rehularny hruzavy ciahnik, paviedamlaje kitajskaje ahienctva «Sińchua».
Fota: xinhuanet.com
Pieršy sastaŭ z 55 kantejnierami adpraviŭsia ź Piekina ŭ biełaruskuju stalicu 15 maja. Jon dastavić 293 tony aŭtazapčastak i inšych tavaraŭ, vypuščanych u rehijonie Piekin — Ciańcziń — Chebej. Ciahnik pierasiače kitajska-manholskuju miažu na KPP Eren-Chota i dajedzie da miesca pryznačeńnia praz 15 sutak.
Čakajecca, što zapusk hetaha rejsa budzie sadziejničać «vychadu na hłabalny rynak vialikich tavaraŭ kitajskaj vytvorčaści i pavyšeńniu ich upłyvu na mižnarodnym rynku».
Jak časta budzie kursiravać hety ciahnik, pakul nie paviedamlajecca.
Čytajcie taksama:
Biełaruskaja čyhunka źbirajecca pravieści aptymizacyju štatu na 30%
Litva nie budzie śpiašacca z adkazam na prapanovu Biełarusi adnavić pasažyrskija čyhunačnyja znosiny