Miadzinski: Budziem vajavać, kolki treba. Sa šviedami vajavali 21 hod
Žurnalist vydańnia The Economist Olivier Kerał paviedamlaje ŭ svaich dopisach u sacsietcy X, što kiraŭnik rasijskaj delehacyi Uładzimir Miadzinski padčas pieramoŭ z ukrainskaj delehacyjaj vykazaŭsia, što Rasija vajny spyniać u najbližejšy čas nie źbirajecca.
Uładzimir Miadzinski. Fota: Burak Kara/Getty Images
«My nie chočam vajny, ale hatovyja vajavać jašče hod, dva, try — stolki, kolki spatrebicca. My vajavali sa Šviecyjaj 21 hod. A vy kolki hatovyja vajavać?» — nibyta tak skazaŭ Miadzinski.
Taksama Miadzinski, pavodle słoŭ Kerała, dadaŭ, što Piatra I, maŭlaŭ, finansavali Anhlija i Francyja, a «Šviecyja dahetul była b vialikaj dziaržavaj, kali b nie heta». Pa słovach Kerała, «padobnaja rytoryka była całkam zvyčajnaj na hetych pieramovach».
«Moža być, chtości z vas, chto siadzić za hetym stałom, stracić jašče bolš svaich blizkich. Rasija hatovaja zmahacca viečna», — cytuje žurnalist jašče adno vykazvańnie Miadzinskaha.
Akramia čatyroch farmalna anieksavanych Rasijaj abłaściej, častku ź jakich jana navat nikoli nie kantralavała, rasijskija pradstaŭniki nibyta pahražali zachapić taksama Charkaŭskuju i Sumskuju.
Čytajcie taksama:
Siarod rasijskich pieramoŭnikaŭ u Stambule — kiraŭnik złaviesnaha HRU. Chto jon, Ihar Kaściukoŭ?