Zabojstvy Darji Duhinaj i Uładlena Tatarskaha raskryli pry dapamozie štučnaha intelektu — SK Rasii
Pra raskryćcio zabojstvaŭ prapahandystaŭ Darji Duhinaj i Uładlena Tatarskaha pry dapamozie štučnaha intelektu zajaviŭ kiraŭnik rasijskaha Śledčaha kamiteta Alaksandr Bastrykin.
Alaksandr Bastrykin
«Ałharytmy štučnaha rozumu dapamahli nam raskryć vielmi rezanansnyja złačynstvy: zabojstvy Darji Duhinaj, Uładlena Tatarskaha, a taksama asob, jakija zamachvalisia na Zachara Prylepina i viadomaha viadučaha televizijnaj prahramy Uładzimira Sałaŭjova», — zajaviŭ Alaksandr Bastrykin.
Dačka viadomaha ruskamirnaha fiłosafa Alaksandra Duhina Darja Duhina zahinuła 20 žniŭnia 2022 hoda ŭ vyniku detanavańnia vybuchoŭki, zakładzienaj u jaje mašynu. Błohier-prapahandyst Uładlen Tatarski zahinuŭ 2 krasavika 2023 hoda padčas sustrečy z prychilnikami, padčas jakoj jamu ŭručyli načynienuju vybuchoŭkaj statuetku. Aŭtamabil piśmieńnika Zachara Prylepina ŭzarvaŭsia 6 maja 2023 hoda: sam jon vyžyŭ, ale atrymaŭ ciažkija ranieńni. Pra nibyta padrychtoŭku zamachu na prapahandysta Uładzimira Sałaŭjova rasijskija śpiecsłužby kazali ŭ krasaviku 2022 hoda.
Čytajcie taksama:
U Rasii pravaabaroncam hoda pryznali staršyniu Śledčaha kamiteta
Znajdzicie 10 adroźnieńniaŭ: što Pucin i Łukašenka kazali pra «zamachi» na prapahandystaŭ VIDEA
Sałaŭjovu daviałosia zapisać pakajalnaje videa, bo ŭ Čačni nie zrazumieli jaho słovy pra «Achmat»