Dačku Duhina ŭzarvali, zakłaŭšy vybuchovaje prystasavańnie pad dno mašyny
Pieršaj viersijaj zdareńnia byŭ vybuch hazavaha bałona, ale ciapier rasijskija śledčyja schilajucca da taho, što pad dnom mašyny spracavała samarobnaje vybuchovaje prystasavańnie. Kali hetaja viersija paćvierdzicca, to nie vyklučana, što metaj zamachu byŭ sam Alaksandr Duhin.
Duhin i jaho dačka ŭviečary 20 žniŭnia byli zaprošanyja ŭ jakaści hanarovych haściej na fiestyval «Tradycyja» ŭ padmaskoŭnaj siadzibie Zacharava, dzie ideołah «ruskaha śvietu» vystupiŭ ź lekcyjaj.
Miarkujecca, što mienavita tam, na parkoŭcy kala siadziby, u aŭtamabil i było zakładzienaje vybuchovaje prystasavańnie. Ale sam Duhin pajechaŭ inšaj mašynaj.
Darja Duhina, jakaja zahinuła ŭ vyniku zamachu, całkam padtrymlivała baćkavu ideałohiju i była jaho pravaj rukoj. Razam ź im jana vystupała ź lekcyjami pa fiłasofii i palitałohii, pracavała palityčnym ahladalnikam zasnavanaha Duhinym Mižnarodnaha jeŭrazijskaha ruchu, pisała palityčnyja artykuły dla prakramloŭskich ŚMI pad psieŭdanimam Darja Płatonava, vystupała ŭ efirach prapahandysckich kanałaŭ. Na jaje byli raspaŭsiudžanyja zachodnija sankcyi.
Čytajcie taksama:
«Duhin mieŭ jechać na hetaj mašynie, ale sieŭ u inšuju». Uzarvali dačku ideołaha rasijskaha impieryjalizmu Duhina
U zahinułaj u Ślapiancy dziaŭčynie apaznali Janu Kastrankovu2
Kamientary