«Ja byŭ za styrnom. Złamanyja abiedźvie nahi». Prylepin napisaŭ pra svoj stan paśla padryvu aŭto
Aŭtamabil z rasijskim prapahandystam i deputatam Dziaržaŭnaj dumy Zacharam Prylepinym uzarvali 6 maja. Audi Q7 vybuchnuŭ pa darozie z Maskvy ŭ Nižni Noŭharad. Pra stan samoha Prylepina było mała što viadoma. Ciapier prapahandyst vyjšaŭ na suviaź.
«Mnie tolki što dali telefon. U ŚMI niekatoraja błytanina. Saša (achoŭnik Prylepina. — NN) jechaŭ sprava na pasažyrskim kreśle. Ja byŭ za styrnom. Vybuch adbyŭsia pad jaho kołam.
Ja straciŭ prytomnaść chviliny na try, ačuniaŭ i padpoŭz da vybitaha łabavoha škła. Viaskoŭcy, jakija padbiehli, dapamahli mnie vybracca. U mianie złamanyja abiedźvie nahi (adzin pierałom adkryty) i jašče tam niešta», — piša Prylepin u svaim telehram-kanale.
Jon paćvierdziŭ, što vysadziŭ dačku za 5 chvilin da vybuchu.
A paśla padziakavaŭ Pryhožynu, Miadźviedzievu, Zacharavaj, Simańjan i inšym prapahandystam i rasijskim vajskoŭcam, jakija za jaho chvalavalisia.
Jon taksama napisaŭ, što ŭ svajoj vioscy pačynaŭ budavać malelniu, a zaraz nazavie jaje ŭ honar svajho zabitaha achoŭnika.
Aŭtamabil rasijskaha prapahandysta byŭ uzarvany 6 maja. Zahinuŭ kiroŭca Prylepina. Sam prapahandyst byŭ paranieny.
U padryvie padazrajecca ŭradženiec Danieckaj vobłaści. Na dopycie jon zajaviŭ, što dziejničaŭ pa zadańni ŭkrainskich śpiecsłužbaŭ.
Ukraina dačynieńnia da padryvu nie paćviardžała, ale SBU vypuściła zajavu, dzie vykazała adabreńnie padryvu.
SK Rasii raspačaŭ pa hetym epizodzie kryminalnuju spravu pavodle artykuła «Terakt».
Čytajcie taksama:
Uzarvali aŭtamabil z Zacharam Prylepinym
Kamientary