Kolki šenhienskich viz atrymali biełarusy ŭ 2024 hodzie i jakija krainy ich čaściej vydajuć?

U 2024 hodzie hramadzianie Biełarusi atrymali kala 157 tys. šenhienskich viz. Ale heta biez uliku Hrecyi, Ispanii i Charvatyi, jakija vydajuć vizy praz rasijskija dyppradstaŭnictvy. Vizavuju statystyku, jak zvyčajna, apublikavała Jeŭrakamisija.

Top-5 krain, jakija vydali biełarusam najbolš viz, u cełym nie źmianiŭsia. Heta: Hiermanija — 50 459, Italija — 49 588, Polšča — 20 952, Vienhryja — 13 953 i Francyja — 11 889.

Hetaja statystyka ŭklučaje ŭ siabie tolki «čysty šenhien» — heta značyć vizy typu S, a nacyjanalnyja vizy typu D jana nie ŭličvaje. JEK taksama nie daje infarmacyi pra mety vizitu. Turysckija, haściavyja i inšyja vidy viz abjadnany ŭ adnoj ličbie.

Z tendencyj minułaha hoda možna adznačyć, što praktyčna ŭsie asnoŭnyja krainy, dzie biełarusy zvykła atrymlivali vizy, pamienšyli ich vydaču. Akramia Italii, jakaja pavialičyła kolkaść vydadzienych viz bolš čym na 10%. A, naprykład, Polšča skaraciła prykładna na treć.

Akramia taho, vyrasła dola admovaŭ. Naprykład, pry atrymańni niamieckaha «šenhienu» — da 2,6%, vienhierskaha — da 2,3%, a Francyja admaŭlała biełarusam uvohule ŭ 6,2% vypadkaŭ.

Kamientary da artykuła