Rada ES i Jeŭraparłamient zaklučyli papiaredniaje pahadnieńnie ab pastupovym zapusku aŭtamatyzavanaj pahraničnaj sistemy ŭjezdu i vyjezdu (Entry/Exit System, EES) u Jeŭrasajuzie, jakaja zamienić štampy ŭ zamiežnych pašpartach, piša Deutsche Welle.
Rašeńnie ab uviadzieńni sistemy było pryniata jašče ŭ 2017 hodzie, jaje zapusk nieadnarazova adkładvaŭsia. Apošnim terminam nazyvaŭsia 2024 hod. Adnak u kancy minułaha hoda Jeŭrakamisija (JEK) znoŭ adkłała zapusk EES, pakolki Hiermanija, Francyja i Niderłandy akazalisia nie hatovyja da jaje ŭkaranieńnia. Tady JEK zapatrabavała stvaryć novy rehłamient nie adnačasovaha, a pastupovaha zapusku sistemy.
U novym pahadnieńni prapanujecca advieści na pastupovaje ŭviadzieńnie EES šeść miesiacaŭ.
«Da kanca hetaha pierachodnaha pieryjadu krainy-členy buduć praciahvać uručnuju stavić štampy ŭ prajaznych dakumientach», — havorycca ŭ pres-relizie. Raniej paviedamlałasia, što EES całkam zamienić štampy ŭ zamiežnych pašpartach.
Pahadnieńnie Rady ES i Jeŭraparłamienta nie aznačaje, što EES pačnuć uvodzić užo zaraz. Datu pačatku pastupovaha zapusku sistemy pavinna ŭstanavić Jeŭrakamisija. Akramia taho, dasiahnutaje 19 maja pahadnieńnie — papiaredniaje, jaho jašče pavinny kančatkova ŭchvalić sami Rada ES i Jeŭraparłamient.
Ci pavialičyć novaja sistema čerhi?
Ličbavaja sistema EES dazvolić aŭtamatyčna rehistravać danyja tych, chto ŭjazdžaje ŭ Šenhienskuju zonu i vyjazdžaje ź jaje, u tym liku bijamietryčnyja danyja: adbitki palcaŭ i fatahrafii tvaru. Ułady krain ES buduć mieć pastajanny dostup da piersanalnych danych hramadzian trecich krain i historyi ich pajezdak, a taksama zmohuć kantralavać, ci vykonvajuć jany dazvoleny pieryjad znachodžańnia.
«EES značna pamienšyć vierahodnaść machlarstva ź identyfikacyjnymi danymi i pieravyšeńnia terminu znachodžańnia», — havorycca ŭ zajavie Rady ES.
Raniej u ŚMI vykazvalisia zaściarohi, što novaja sistema nie skarocić, a pavialičyć čerhi na miežach Šenhienskaj zony. Pra heta havaryli i ŭłady Vialikabrytanii. U prajekcie novaha rehłamientu adznačajecca, što krainy ES zmohuć časova adklučać EES «kali intensiŭnaść patoku ludziej pryviadzie da vielmi vialikaha času čakańnia».
Ciapier čytajuć
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram10
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary