Za ŭvieś čas daśledavańniaŭ na terytoryi Biełarusi zarehistravana 12 vidaŭ klaščoŭ troch rodaŭ, raskazała hienieralnaja dyrektarka pa navukovaj rabocie NPC pa bijaresursach Taćciana Vołkava. Jaje słovy pryvodzić hazieta «Navuka», zaŭvažyŭ telehram-kanał De facto.
Epidemičnaje značeńnie dla čałavieka majuć takija vidy, jak Ixodes ricinus (najbolš šmatliki i ahresiŭny da ludziej vid), Ixodes persulcatus i Dermacentor reticulatus.
Klaščy nie padajuć z dreŭ, zatoje samki padcikoŭvajuć čałavieka na raślinnaści vyšynioju da 1 m — zachop adbyvajecca na ŭzroŭni kaleniaŭ. Tamu i rekamiendujuć na ŭčastkach skošvać travu. Pry vychadzie ŭ les pažadana nadziavać nie vielvietavaje i vaŭnianaje adzieńnie, za jakoje klaščam lahčej začapicca, a štości z hładkimi pavierchniami.
Efiektyŭnym srodkam u baraćbie z kleščavym encefalitam źjaŭlajecca vakcynacyja. Univiersalnaj ekstrannaj chimijaprafiłaktykaj ad barelijozu moža stać daksicyklin abo jaho anałahi (dla dziaciej jość supraćpakazańni), jaki treba pryniać adnarazova ŭ pieršyja troje sutak z momantu ŭkusu klašča.
Ciapier čytajuć
Statkievič pra «Noč muziejaŭ» u Minsku: My zrazumieli, što ludzi apładziravali nie saksafanistu, a nam z žonkaj8
Statkievič pra «Noč muziejaŭ» u Minsku: My zrazumieli, što ludzi apładziravali nie saksafanistu, a nam z žonkaj
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru11
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru1
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
Kamientary